這6個廣東話常用到但唔識寫 鬧人唔一定要講粗口呢
廣東話系列又同大家見面。大家睇晒《Hea字原來都有得寫 生活篇》、《「第日」應該叫「遞日」 工作篇》及《打邊爐原來錯字？ 飲食篇》未呢？睇晒就好，今次就同大家講講幾個經常聽到的話人常語。其實唔一定要講粗口嘅，用廣東話話人已經夠晒啜核喇！
1. 陰質—「陰騭」
「某某某做得太多陰質野，唔怕有報應咩？」對於「陰質」一詞，相信不必多作解釋，大家都能明白其意。但「陰質」並無「陰德」之意，話完都無意思。記得下次話人都要話啱字啊！
2. 拿西—「揦西」
若你身邊有人做事錯漏百出，馬虎了事，請送他/她「揦西」二字。不過話時話，大家有無發覺，廣東話很常用「西」字鬧人？
3. 站亂歌柄—「劖亂歌柄」
「劖亂歌柄」即指突然插嘴，或打斷別人的説話。亦有一說，「歌柄」乃指唱歌。通常這類人只會有一個下場……
4. 無泥搭圾—「冇厘搭霎」
對於此詞，網上有不少結合現實生活的說法，如「無泥（土）搭圾（垃圾）」、「冇厘答（回應）霎」。雖然創意十足，不過正寫應為「冇厘搭霎」。
5. 郎黎—「狼戾」
話人無喇喇發脾氣，其實「郎黎」有得寫！單睇字面，又「狼」又「戾」，已經感覺到有幾撒野。
6. 爛屍格路—「躝屍趌路」
如果對方有齊晒以上缺點，而你又頂佢唔順。嫌單講一個「扯」字，並不足以表達你的憤怒？可能你會更想講：「躝屍趌路」、「躝開啦」。「趌」有軀逐之意，即叫對方早走早著。
港生活人氣本地熱話
【寵主請留步】《社群》送您AQUA PRO+TECH「寵物護理入門套裝」🛁！
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
