飲綠寶橙汁、跳飛機！ 穿梭時空尋回昔日的老香港

講起橙汁，識飲嘅一定係飲「綠寶」！（有90後弟弟以為係「綠水」嘅朋友……)不過呢隻80年代hit爆嘅無氣橙汁喺香港幾乎已經絕跡啦，多得有「萬歲」呢間小店令佢翻生，仲要係枝裝凍上，再配埋碗地道車仔麵，真係咩回憶都返哂嚟！值得一讚嘅係店內裝潢好有心思，無論紅白機、漫畫定扭蛋機都一應俱全，真係令大家好懷念呢！

「集體回憶」影相位：

1.櫈（店舖7月尾裝修過，普通櫈變哂做飛行棋形啦！）

2.牆（全牆用咗多達70本漫畫來佈置，最啱自拍！）

 萬歲 Hooray詳細介紹及前往方法：

http://hk.ulifestyle.com.hk/spot/detail.html?id=ABdGDVo3Bw1ZEANq

飲茶除咗食「推車仔」點心外，仲有得樣點懷舊呢？呢間小店就勁啦，佢將七、八十年代嘅「老香港」元素通通帶茶居內，除咗有鐵皮士多形的水吧、錢莊似的收銀處、就連上層都變哂做屋邨咁款，超級精緻！至於食物方面，就以傳統點心為主，當中以鵪鶉蛋燒賣口碑最好。所有點心新鮮製作，即叫即蒸，等耐啲都值嘅！

「集體回憶」影相位：整間店 (餐廳內每個設計都用心，值得謀殺你菲林！)

老馮茶居詳細介紹及前往方法：

 http://hk.ulifestyle.com.hk/spot/detail.html?id=ABdGDVo3BwJZEwNt

如果你識唱 「天空海闊任鳥飛，小小天地跳飛機~」恭喜你，你應該係同小編同一個年代嘅哈哈。話說跳飛機呢啲兒時玩意，而家已經買少見少，雖然呢種遊戲嘅玩法其實都只係跳下跳下，不過又幾過癮，最抵死係睇住個朋友失平衡或者仆親嘛！（拿唔係我黑心　只係確實經常發生）

「集體回憶」影相位： 賽馬會鯉魚門創意館外 (日落時份尤其有feel！)

山長水遠嚟鯉魚門淨係跳飛機？當然唔係啦，睇埋呢篇周圍遊你就知鯉魚門都可以玩成日： 

《慢活一日啦~ 鯉魚門歎Cafe、看日落悠閒據點遊》

賽馬會鯉魚門創意館詳細介紹及前往方法：

http://hk.ulifestyle.com.hk/spot/detail.html?id=ABdGDVo2BwtZHwNp 

喺呢個幼稚園生都已經教「precipatation」嘅年代(呢個字明明係我中一先學)，實在令我不禁回憶下：究竟我細細個係學咩生字呢？如果大家都有呢個疑問，不妨嚟「舊課本」呢度尋下寶，睇下不同年代嘅課本，回味一起上學的日子！

店內主要收集六七十年代嘅書籍同生活用品，而展示館仲會定期舉辦不同主題嘅小型展覽同活動，一齊分享舊香港故事，好正斗！不過呢，展示館暫時只開星期六下晝，大家小心摸門釘呀！

「集體回憶」影相位：書內頁！（會發現爸爸都化妝～哈哈）

舊課本展示館詳細介紹及前往方法：

http://hk.ulifestyle.com.hk/spot/detail.html?id=ABdGDVo3BwNZFwNo