【旺角美食】牛角5月尾首開燒肉放題店　任食和牛/甜品/飲品

牛角早前在官方Facebook宣佈，即將在旺角開首間燒肉放題店~

牛角部分分店亦曾推出放題套餐，頗受歡迎，今次全新Buffet店相信亦吸引到不少食肉獸。

新店設有任食自助區美食、有多款飲品及甜品供應，包括軟雪糕、燒野菜及果汁等。

午市會供應半任食套餐，主食可選飯/麵食/燒肉，價錢由$69起，另外自助區可以任食40款食物/甜品/飲品。

燒肉套餐最平$79，限時60分鐘，就可以食到兩款指定肉類(豬頸肉/豚肉/雞腿肉/雞肝/大腸/牛肚)，以及任食自助區食物，而$109的套餐就可以食足100分鐘，燒肉份量亦會x1.5倍。

燒肉盛盒定食最平$149(60分鐘)，一次可以食到美國見島特選和牛肩脊肉+燒肉三品盛合(肩脊肉+腹胸肉+薄牛舌)。

最平的午市套餐生姜雞胸肉牛角飯$69，同樣可以任食自助區食物。

$79的套餐仲有牛角冷麵/叉燒香蔥拉麵/極辛叉燒味噌拉麵/生姜豬頸肉牛角飯。

食燒肉想啤一啤，加$28就可以有生啤放題。

除午市套餐外，亦會有All Day Menu，可以任食餐牌上的燒肉款式。

燒肉放題分為5個套餐，由$218至$608不等。LV1的日本熊本黑豚放題，可以任食豚肉、雞肉、雞肝、大腸等，價錢最平但選擇較少。

鍾意食牛的朋友可以由LV2美國見島特選和牛放題開始選，除LV1的豚肉款式外，另可任食美國見島特選和牛肩脊肉、美國見島特選和牛一口牛、牛舌、青口等。

最貴的LV5.日本熊本玉名黑牛放題除了可以任食其他4款套餐的美國和牛、澳洲和牛外，還可以任食日本玉名黑牛，價錢相對較貴。

肉類方面，最吸引當然是和牛！和牛平時單點價錢較高，今次Buffet可以任食無疑是回本之選。

牛角Buffet旺角店即將於5月28日開幕，朋友聚會又可以多個選擇。

LV1.日本熊本黑豚放題(早割/夜割：星期一至四$218　星期五、六、日及公眾假期前夕$248｜正價星期一至四$248 星期五、六、日及公眾假期前夕$278｜小童$158)

LV2.美國見島特選和牛放題(早割/夜割：星期一至四$248　星期五、六、日及公眾假期前夕$278｜正價星期一至四$278 星期五、六、日及公眾假期前夕$308｜小童$168)

LV3.美國SRF極上和牛放題(早割/夜割：星期一至四$298　星期五、六、日及公眾假期前夕$328｜正價星期一至四$328 星期五、六、日及公眾假期前夕$358｜小童$198)

LV4.澳洲M9和牛放題(早割/夜割：星期一至四$338　星期五、六、日及公眾假期前夕$378｜正價星期一至四$378 星期五、六、日及公眾假期前夕$418｜小童$228)

LV5.日本熊本玉名黑牛放題(早割/夜割：星期一至四$608　星期五、六、日及公眾假期前夕$698｜正價星期一至四$698 星期五、六、日及公眾假期前夕$788｜小童$438)

圖片:FB@牛角日本燒肉專門店 Hong Kong Gyu-Kaku