全新開幕的沙田廣源市場以紅磚工業風為主題設計，特設小食街，齊集各地地道美食，包括西式燒烤、每日新鮮即包魚肉燒賣、健康素餃、手拉腸粉、汕頭美食，選擇多多。大部份小食店營業至凌晨2時，街坊多個地方開餐之餘，附近的恒管學生亦多個宵夜好去處！
沙田廣源市場全新開幕，以紅磚工業風為主題設計，特設小食街，齊集各式小食。
精選推介：
汕尾美食：主打地道汕尾美食，街外非常少見﹗
手拉腸粉($18-$24)即叫即製，可以加入雞蛋、叉燒、蔥花等，腸粉軟滑。
幸茶舍：
虎紋黑糖珍珠奶茶($22)，黑糖味頗濃，珍珠有咬口。
玫瑰青瓜梳打($25)
除了各式台飲，還有台式小食，如台式鹽酥雞、台灣珍寶花枝丸，即叫即炸﹗
豆腐巴巴：主打中式手工甜品，所有豆腐製品均是自家製。
一口炸豆腐($20)
芋圓紅豆涼粉豆腐花($25)
另有各款涼粉、豆腐花提供。
皇后餃子
廣源店獨家口味健康素餃($10/3隻)及京蔥牛肉餃($15/3隻)，每日新鮮製造，即叫即製，餃子迷絕對不可以錯過！
狗仔粉($20)，配上特製辣菜甫更惹味。
米皇，主打粥品腸粉。
推薦豬潤粥($28)，粥底軟綿，豬潤嫩滑大塊。
炸兩($28)外軟內脆，不會太油膩。
招牌新口味生煎肉餅太陽蛋飯($38連熱飲，學生$32連汽水)，肉餅厚身鬆軟。
三寶皇：
魚肉燒賣每日人手即包即製，非常新鮮！燒賣質感軟糯，食到魚香味。($12/6粒)
另有其他特色港式街頭小食，如惡魔炸雞髀($20)、炸雞翼($8)、生菜魚肉($18)。
一豚豬手
由美食展殺入地鋪的豬手專門店，售賣超過十款肉食，更有各類滷水、麻辣及冷盤小食供應。
主打招牌黑椒燒豬手($58)，由本地廠房燒製，每日新鮮運到門市再作後期烹調，皮脆肉嫩。
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
