【大埔美食】大埔新開懷舊主題車仔麵 招牌麻辣豬手/自家製麻辣汁/鮮製蕃茄湯
相信大家對車仔麵都有不少回憶，大埔新開的車仔麵店「三不館」，走懷舊主題，餐廳裝橫彷如重回舊時香港，好有氣氛。店鋪推介招牌自家製麻辣汁湯底，味道香麻特別。還有必試招牌小食的麻辣豬手，辣得好惹味。不食辣得朋友就可以試下濃郁的鮮製蕃茄湯底。經過大埔的朋友們不妨試下～
大埔新開的車仔麵店「三不館」，裝橫走懷舊風格，全部都是老闆精心設計，彷如重回舊時香港。
兩餸菜配招牌自家製麻辣汁湯底($30)，味道又麻又香！
醬燒豬頸肉及牛腩都好入味～
皇牌招牌鮮製蕃茄湯底車仔麵，配上咖哩魷魚、冬菇及蘿蔔等經典餸菜。($38) 番茄湯杰身，味道濃郁！
另外，還有不少招牌必試小食，價錢都好抵。
招牌麻辣豬手($24)，辣得惹味～
秘滷雞翼尖($18)，好入味～
韓式辣豬骨($22)，甜辣度剛好。
自家製辣菜脯，值得一試！
經過大埔的朋友們不妨試下～
活動資訊
- 地址 大埔廣福道88號地下
- 人均消費$50或以下
- 開放時間星期一至日上午11時至晚上9時
港生活人氣本地熱話
↓ 賞您香港書展2025電子門票📖 ↓
↓ 同一門票可入埋「零食世界」及「香港運動消閒博覽」↓
↓【限時搶⚡】賞您日本Flo(a)tus超跣水防風長雨傘↓
↓超跣水技術｜防風、防紫外線功能↓
