無論美式、港式快餐,甚至去食西餐鋸扒,都難免會食到薯條。好多香港人一星期都會食幾次薯條,炸薯條香脆,每次一食就停不了口。薯條經油炸,多食會致肥甚或影響健康,呢個道理大家都知,不過最近就有報導指每周食2至3次薯條死亡風險會提高很多,建議每餐最多只食6條薯條,簡直是不可能的任務!
美國哈佛大學流行病學及營養學系教授Dr. Eric Rimm形容薯仔是「澱粉炸彈」,缺少了綠葉蔬菜的各種營養素,薯條更將較多營養的薯仔皮削掉,再拿去油炸,更加不健康!
去年已有研究發現每周食2至3次薯條的人,死亡風險比只吃不經油炸的薯仔的人高很多。Dr. Rimm就建議大家一餐最好只配6條薯條,再加沙律搭配。大部分網民表示吃了一條根本就沒辦法停,真係唔食好過食!
雖然無辦法戒到薯條,但原來不同切法的薯條也有分別,營養師Elaine Magee指薯格、薯圈這類切法的薯條表面面積較大,吸收到的油也會更多。而波浪紋薯條及一般常見的直身薯條就比薯格、薯圈好一點。
最肥的當然是芝士、肉醬薯條這類再另外加醬料的薯條,大家記得少吃!
而自家製焗薯條可以用少一點油比較健康;蕃薯薯條比一般用薯仔製造的薯條會有更多維他命A及纖維,雖然不是健康食物,但已經是在一眾薯條中比較好。
資料來源:The New York Times
活動資訊
- 地址 不適用