【觀塘美食】觀塘新開自家石磨腸粉店 即製即蒸櫃桶紅米/黑米腸粉

文: LorLor Lee
2019.01.21

最近新開了多間石磨腸粉店,而觀塘亦有間腸粉店新開張,小店同樣主打自家製石磨腸粉,但特別的地方是有提供坊間少見的紅米腸粉和黑米腸粉,含有較多纖維。腸粉採用自家新鮮磨製米漿,全都是即製即蒸,新鮮熱辣出爐。餡料方面另可加配雞蛋、粟米、菜脯、蟲草花和椰菜等配搭,提供多元化口味。鍾意食腸粉的朋友,不妨試試~

觀塘新開一間自家石磨腸粉店「鳳鳴石磨腸粉」,可以食到坊間較少見的紅米和黑米腸粉。

師傅翌日清晨就會新鮮磨製米漿,腸粉都是即叫即製,把米漿及配料放進櫃桶式蒸爐中蒸。

腸粉選用白米舊米的米碎米碌,因其黏度較新米低,製成的腸粉不會變得過黏漿口,而且更帶米香。至於黑米和紅米則分別來自黑龍江和泰國。

招牌石磨雞蛋豬肉腸粉($22)

客人可按個人喜好澆上豉油,再加上自家炒香的芝麻、炸蒜、石磨辣椒粉和芫茜,令味道更豐富。小店還設有小型石磨機讓客人親自將指天椒磨成辣椒粉。

腸粉入口滑溜,帶有米及蛋香。

另外,餐廳提供坊間較少見的紅米和黑米腸粉,本身黑米和紅米含有較多纖維,米漿要反覆打磨二至三次才能變得滑身。

石磨黑米栗米腸粉加蟲草花($25)

腸粉薄身通透,還可看到粒粒磨碎的黑米。

石磨紅米豬潤腸粉加雞蛋($29),豬潤味道甘香。

腸粉口感滑身,配上豬潤味道更甘香。

腸粉加底$6,另可加$6配羅漢果茶或豆漿。

羅漢果茶($10),茶味道微甘,可以生津止渴。

想食地道石磨腸粉的朋友以後又多個掃街選擇啦~

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓