正在閱讀
【澳門美食節2019】第19屆澳門美食節10大美食推介 炙燒蟹棒/鯛魚燒/乳豬包

【澳門美食節2019】第19屆澳門美食節10大美食推介 炙燒蟹棒/鯛魚燒/乳豬包

2019.11.15

「第十九屆澳門美食節」終於開鑼!今年美食節將由11月8日到11月24日一連十七日於西灣湖廣場舉行,免費入場及設有免費穿梭巴士接送。現場超過160個攤檔,分成五大美食區:亞洲美食街、中式酒樓街、歐陸美食街、風味美食街、甜品街。今年更最新增設「北海道村」,有共21間日本北海道餐廳參加,睇睇10款精選美食啦!

第十九屆「澳門美食節」終於開鑼!最新增設「北海道村」,共21間日本北海道餐廳參加~

必食推介1. 超長北海道鱈場蟹棒  (網走番屋 攤位編號:F13)

北海道蟹棒(MOP$ 100/條;MOP 150/2條)以北海道鱈場蟹肉及魚肉打成,蟹棒大大條且肉質軟嫩,配上明太子醬,更鮮味。

必食推介2. 即燒北海道帆立貝 (北海道市場 攤位編號:F21)

北海道帆立貝(MOP$80)份量十足,爽甜柔軟,加上秘製醬汁突出鮮味。

必食推介3. 香脆即製鯛魚燒  (空S 攤位編號:F11)

鯛魚燒( MOP 35/件;MOP 100/3件,有多款口款包括紅豆、抹茶芝士、抹茶。外皮燒至焦糖色,外層入口酥脆,內餡紅豆綿密。

其他5大美食區精選推介

必食推介4. 大大份抵食海鮮丼 (漁兵衛 攤位編號3D25)  

炙燒赤海老丼、富士山吞拿魚蓉丼 (MOP$60) 呑拿魚蓉滿到瀉,份量十足。炙燒刺生蝦,爽口鮮甜。大大碗,非常抵食;另有焦糖芝士玉子燒 (MOP$ 25),流心芝士味濃郁。

必食推介5. 生猛即撈即燒龍蝦 順軒海鮮火鍋酒家 (攤位編號:A5) 

波士頓龍蝦(MOP75/半隻)龍蝦於攤位即撈即燒,龍蝦鮮甜爽口,配上蒜蓉,帶來陣陣蒜香,非常滋味。

必食推介6. 香脆乳豬孖寶 (藝廚餐飲 攤位編號:E30) 

脆皮乳豬包(MOP$60)與大三巴乳豬粥(MOP$35)。法式牛油包夾著超厚脆乳豬,入口油而不膩,肉質嫩滑而不粗糙。特別配搭上自家製慢煮的芒果洋蔥醬,酸酸甜甜,非常開胃。而乳豬粥,用了乳豬骨熬力,味覺鹹香。加上乳豬脆卜卜,味道出奇配搭。

必食推介7. 法國直送新鮮生蠔(生蠔薈 攤位編號:B16) 

法國生蠔套餐(MOP90)一次食到3款大小生蠔。KYS Marine蠔肉飽滿,味道鮮甜。而Regal Mini 細細隻,質地爽脆,味道清甜且帶天然海水咸味,口感豐富。

必食推介8. 爆汁蟹粉籠包(台灣老舖美食 攤位編號:A14) 

蟹粉小籠包( MOP 35/4隻)皮薄多汁,咬落去爆出肥美蟹油,蟹迷必點!

人氣推介9. 香軟黑糖珍珠梳乎厘 (綠山丘 攤位編號:B12) 

梳乎厘(MOP$35)即叫即整,入口鬆香軟綿。加上大熱黑糖珍珠,味道配搭。

人氣推介10. 發光雪糕(澳義 攤位編號:C12) 

朱古力小王子(MOP$30) 朱古力雪糕筒加上發光水晶球,自拍呃like最適合!

同場加映:新奇可樂特飲(澳門可口可樂內限公司 攤位編號:G8,9)

可口可樂再度回歸美食節,推出多款特飲。海鹽柚子樂(MOP 25)帶淡淡海鹽鹹味,加上柚子味道清新特別。

第十九屆「澳門美食節」

日期:2019118日(五)至1124日(日)
開放時間:星期一至星期四17:00、星期五至星期日15:00-00:00
地點:澳門旅遊塔前地西灣湖廣場
交通:巴士55AX9A1818B232632N2號均可前往西灣湖廣場附近;在『亞馬喇前地』巴士站可乘坐9A2332至澳門旅遊塔。

 

 

活動資訊

  • 開放日期 2019年11月8日 - 24日
  • 地點 澳門旅遊塔前地西灣湖廣場

↓【U Lifestyle App限定】送iPad mini (Wi-Fi版)!↓

立即入App答問題 人氣獎品、優惠折扣隨時等您攞!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠