最近銅鑼灣新開了一間以麻辣專門店為名的「麻王」餐廳，主打市面上罕見的一人份酸菜魚、水煮牛等開胃川菜，以後不用夾埋朋友去食，自己都可以歎酸菜魚！其中$68招牌酸菜魚套餐更是抵食之選，套餐連白飯，魚片和配菜的份量十足，一齊睇下仲有咩美食推介啦！
即叫即煮的招牌酸菜魚套餐（$68）用上近乎無骨的黑魚片，魚質滑嫩，爽脆彈牙！配菜有娃娃菜、海帶絲、蓮藕和芽菜，份量十足。而湯底用上自家熬製的豬骨湯，配上酸菜醬和大量酸菜，加入乾辣椒和辣椒粉，酸辣平均，味道濃郁，令人胃口大開。
同樣只售$68的水煮牛套餐，肥牛與配菜份量一樣多，非常足料。用上辣椒和花椒等佐料，發出陣陣濃烈的麻辣香味，而肥牛及配菜都一樣入味！
點擊圖片放大
此外，小店更提供多款惹味川菜小食，口水雞（$32）、麻辣蜂巢豆腐（$26）、麻辣鴨血（$28）、涼拌萵筍（$26）等，價錢同樣親民。口水雞皮爽肉嫩，麻辣開胃；而蜂巢豆腐非常吸汁，一吃啖啖麻辣汁湧現，相當麻香惹味！
另外兩款同樣受歡迎，麻辣鴨血，口感彈牙；而涼拌萵筍爽口，配上麻辣汁，讓人愈吃愈上癮！
店鋪較細，可以坐6-8人左右，所以大多數客人都選擇外賣，繁忙時間可能需等候20-30分鐘，大家可以留意一下。
活動資訊
- 地址 銅鑼灣禮頓道106-126號禮信大廈地下4號舖
- 人均消費$51 - $100
- 開放時間星期一至日 12nn - 9pm
- 電話66369935
」，
App內睇文同睇片可隨時捕捉U Fun彩蛋，
換領現金券及禮品！
【送】Cetaphil舒特膚積雪草舒敏系列💚！
↓即時降紅止痕，全面舒緩和改善5大敏感症狀 | 立即參加！ ↓
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
