【長沙灣美食】長沙灣超抵食$75新鮮足料花蟹花甲粉! 即叫即整泰式花甲/鹽燒鱸魚/惹味串燒

文: Elly Lee
2020.12.04

天氣漸漸轉涼,非常適合吃碗熱騰騰的花蟹花甲粉!長沙灣最近新開一間主打花甲粉和港式串燒的小食店「回憶客棧」,惹味之餘,價錢仲相當親民,$75就吃到新鮮足料的花蟹花甲粉。花甲粉的湯底用上不同藥材和材料熬煮而成;而海鮮方面,老闆堅持每日到市場親身選購,確保海鮮的鮮活度。此外,小店更有多款特色小食供應,全部都即叫即整,例如有鹽燒鱸魚、酸辣開胃的泰式花甲和各式各樣的惹味串燒。即刻睇睇有咩好食啦!

小店的招牌花蟹花甲粉($75)十分受歡迎。用上原隻游水花蟹,花甲份量也算多,大約有8-9隻,而且隻隻肥美新鮮,沒有沙。除了份量足料,湯底用上不同藥材和材料熬煮而成,再加入新鮮海鮮,除了藥膳香味,湯底更帶有陣陣清甜鮮味。爽滑粉絲更吸盡湯底精華,食落好滋味。客人可以按個人喜好挑選辣度和蔥花份量,更可以額外加配材料,有娃娃棻、墨丸、牛丸和芝士腸,甚至可以加底。

所有海鮮食材都是老闆每天親自從市場選購回來,保證新鮮。老闆對於海鮮的鮮活度有一份執著,因為若然海鮮稍為不夠新鮮,便會將整個湯的味道毀掉。

除了花甲粉,小店更有多款特色小食供應。這款讓人胃口大開的泰式花甲($68)亦很受歡迎,每隻花甲都沾滿有點像冬陰功的酸辣醬料,食落相當惹味!

還有很值得一試的鹽燒鱸魚($108),大大條鱸魚,燒得外脆內嫩,配上貼近香港人口味的特調泰式辣醬,更加美味。

店內另一樣主打 — 港式串燒,做得同樣出息。全部即叫即燒,燒得均勻,將肉汁鎖住。蒜燒茄子($28),茄子新鮮大條,同樣惹味。

港式串燒選擇多,有燒安格斯牛肉粒($28)、燒牛舌($26)和燒雞皮($10)等。

更有燒海鮮,新鮮美味。這份燒象拔蚌($50)爽口彈牙,推薦大家試下。

小店更有提供老闆沖調的特色Cocktails,配上佐酒一流的惹味串燒,超滿足啊!

活動資訊

  • 地址 長沙灣保安道405號昌暉大廈地舖
  • 人均消費$51 - $100
  • 開放時間星期一至日 16:00 - 02:00
  • 電話5107 6715

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓