銅鑼灣Cafe繁多！最近銅鑼灣又新開一間大走典雅英倫風格的Cafe「Passepartout」。光是Cafe鋪面的湖水藍色外牆已經非常吸睛，戶外座位更吸引了不少客人打卡影相。Cafe主打創意Fusion菜式，菜單均是自家研創，包括牛丼糖心蛋、印式牛油炸雞配以黃薑粉做的窩夫，和以英式蘇格蘭蛋呈現的港式餐蛋飯。Cafe更有不少特別的咖啡飲料和甜品，其中味噌焦糖Latte令人一試難忘，即刻睇睇這家銅鑼灣Cafe推介吧！
Cafe裝潢簡約，深冷色調，呈現出古典英倫風格。除了戶外打卡座位，Cafe裡面都設有不少打卡位。店名「Passepartout」其實是法文來的，可以解作萬能鑰匙，亦有通行無阻的意味，與餐廳菜式的研創概念很匹配。Cafe暫時只有5款Brunch提供，分別以London, Hong Kong, Yokohama, Calcutta和Paris來命名，5款Brunch當中分別地呈現出該地方的食物特色，同時亦注入不少自家研創原素。希望藉著Cafe所做食物帶客人暢通無阻地遊歷世界。
以英式蘇格蘭蛋呈現的港式餐蛋飯「Hong Kong」（$108），他們的蘇格蘭蛋是以攪碎的餐肉再包雞蛋新鮮炸成的，口感挺特別。
這個印式牛油炸雞配以黃薑粉做的窩夫「Calcutta」（$118）十分特別！新穎特別之餘，又不失印度風味。牛油炸雞共有2大件；雞胸和雞髀，以印度香料醃製，炸後肉質依然保持嫩滑。窩夫則以黃薑粉做，帶有陣陣香料味，口感外脆內軟。再以特調醬汁淋面，食落惹味。
Cafe更有提供多款自家製甜品，就連雪糕都是自家做的。朱古力撻（$38）可可味濃香，以杏仁做的撻底香口好味，與朱古力味道十分匹配。自家製的Cinnamon Roll（$38）外型有別一般出面見到的，肉桂味濃郁，口感煙韌。
咖啡方面，不得不試他們自家研調的味噌焦糖Latte（熱: $50 / 凍: $55），鹹香夾雜微微鮮味，與甜甜的焦糖十分夾。齋鴛鴦（熱: $50 / 凍: $55）會給予客人Espresso和生普洱各一杯，自行混合飲用，齋鴛鴦味道甘香之餘，帶點點清新茶氣。抹茶Latte（熱: $50 / 凍: $55）以手刷抹茶沖調，抹茶味特別濃厚。
咖啡飲品外賣杯都設計得十分精緻。Cafe不設用餐時間，暫時只接受Walk-in，大家去的時候要留意啦！
活動資訊
- 地址 銅鑼灣駱克道447-449號中威商業大廈地鋪2號舖
- 人均消費$101 - $200
- 開放時間星期一至日 早上9時至下午6時
- 電話2882 0828
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
