【西環美食】西環7000呎歐陸風Cafe 巨型鞦韆打卡位！燒法國黃油雞/泰式原條無骨盲鰽魚
西環Cafe有許多，而且間間都各具特色！最近堅尼地城新開一間佔地面積7000呎的歐陸風休閒Cafe「Chill and Grill」，配上極高樓底，空間感十足之餘，仲坐得好舒服。而且提供無限時任坐，讓你真正享受休閒時光。設有巨型鞦韆打卡位，吸引了不少客人影相打卡。餐廳主打多國菜，碟碟都相當有份量。Cafe門前的歐陸戶外雅座更歡迎顧客帶自己的毛孩於此用餐。此外，Cafe更設有食品雜貨區域，有凍肉、海鮮﹑醬料和麵包等等貨品出售。即刻睇下有什麼好吃的吧！
西環Cafe「Chill and Grill」佔地逾7000呎，是香港比較罕見的大型Cafe。裡面的座位寬大，有沙發卡座，讓客人坐得舒服之餘，可以享受到休閒寧靜的時光。Cafe樓底極高，空間感十足。而中庭更有個開放式大廚房，客人不時會聞到陣陣新鮮出爐食物的香氣。疫情關係，店內星期一至五及星期六日所準備的餐牌有所不同，週末菜色選擇會較多，牛扒更是主打之一。而於平日裡，即叫即整的燒法國黃油雞和泰式原條無骨盲鰽魚配紅咖喱醬更是相當受歡迎。
即叫即燒的法國黃油雞（$108），套餐配是日餐湯及飲品。黃油雞燒得皮脆肉嫩，咬入口鮮甜雞汁湧出。
即叫即整的泰式原條無骨盲鰽魚配紅咖喱醬（$188），預先將盲鰽起骨，再用紅咖喱醬塗抹整條盲鰽魚，放入炭爐裡煙燻7分鐘左右，最後於表面放上大量青木瓜沙律。以咖喱醬醃煮的盲鰽魚肉，肉質滑嫩，而且非常入味，酸酸辣辣，吃起來十分開胃！
燒排骨配自家燒烤汁（$128），自家製燒烤汁香甜惹味，配上即叫即燒排骨，食落滋味。
意式香濃鴨肉醬水管通粉（$138），濃郁的鴨肉醬，水管通粉沾滿醬料，惹味開胃。
飲品方面，有很受客人歡迎和打卡一流的意式咖啡奶昔（$68），味道甜甜的。如果追求美味健康，可以選擇上西城特飲（$68），以新鮮芒果、青瓜、蘋果和椰子水混合的飲料。
此外，Cafe裡更設有食品雜貨專區，有水耕菜、凍肉、海鮮﹑醬料和麵包等等貨品出售。雜貨區域所售賣的食材大部分都有用於餐廳菜式，客人於Cafe裡試過好吃的食材都可以在雜貨專區裡買回家自己動手煮。
活動資訊
- 地址 西環加多近街57號地舖
- 人均消費$101 - $200
- 開放時間星期二至四12nn-10pm 星期五至日12nn-11pm 逢星期一休息
- 電話2411 6999
港生活人氣本地熱話
↓【限時搶⚡】森源安睡足艾貼↓
↓吸走體內毒素｜改善血液循環 ↓
【Chill Guide旅遊指南😎】日韓台泰越深圳2025行程攻略✈️
↓即睇最新行程懶人包、爆紅打卡點🔥、必吃美食😋等↓
