大埔一向美食雲集，更有不少隱世平民小食店深受歡迎。今次要介紹這間大埔新開的車仔麵店「龍門客棧」，以鮮甜牛骨湯底聞名，食完麵仲可以飲埋碗湯！湯底以大量牛骨熬製，足足熬煮超過12小時，並不添加任何味精、雞粉，保證客人可以食到食材的鮮味。配料方面，有清甜白蘿蔔、爽口豬皮、惹味豬腸和牛味濃郁的牛坑腩都是人氣之選，小店更不時加入時令配菜，引來大埔街坊大讚。下次去大埔掃街不妨試試這間新店啦！
牛骨湯車仔麵店「龍門客棧」裝潢別緻，地方寬大舒服，牆上的手工插畫更滲透不少本土懷舊特色。
牛骨湯底味道之所以做到如此鮮甜濃厚，原因全歸功於背後所花費的功夫。湯底每日以大量牛骨熬煮超過12小時，秉承不加任何味精和添加劑的原則，才發揮到食材的原鮮味。
車仔麵價錢親民，而且足料大份。一碗2餸車仔麵售價$32，3餸$40，4餸$48。配料選擇多樣，陳皮魚蛋、清甜白蘿蔔、爽口豬皮、惹味豬腸和牛味濃郁的牛坑腩都是人氣之選。醬料方面選擇亦有很多，奇味汁、車仔汁、麻辣汁和咖哩汁，麻辣汁是自己炒製的，辣味不重，但麻香十足。建議先品嚐鮮甜的牛骨湯底，再後加醬料食用，那就不會錯過美味的牛骨湯。
點擊圖片放大
店內不時更有自家製蛇羹，質感濃稠適中，入口香滑。配上切得幼細整齊的蛇絲、雞肉絲、冬菇絲和木耳絲，食落有咬口，倍添滋味。這家主打車仔麵的龍門客棧其實已是第3間分店了，首間龍門客棧正是主打蛇羹和私房菜，菜式多樣夠鑊氣，詳情可到 FB@龍門客棧 查詢更多。
點擊圖片放大
活動資訊
- 地址 大埔懷仁街7號地舖
- 人均消費$50或以下
- 開放時間星期一至三、五至日，早上11時至晚上11時 逢星期四休息
- 電話9312 5100
」，
App內睇文同睇片可隨時捕捉U Fun彩蛋，
換領現金券及禮品！
【送】Cetaphil舒特膚積雪草舒敏系列💚！
↓即時降紅止痕，全面舒緩和改善5大敏感症狀 | 立即參加！ ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
