大埔美食繁多，更有不少深受街坊歡迎的隱世食店，價錢親民又抵食！年尾於大埔開業的「涼皮小姐‧麻辣米線專門店」，主打手工涼皮和麻辣米線，以及多款滋味小食，配以小店秘製的惹味麻辣醬和自家醃製的酸菜，讓人一試難忘。短短數月已經吸引了不少大埔街坊的再度光顧。小食方面，一口酸菜魚和麻辣墨魚頭都是他們的必食招牌，即刻睇下有咩好食啦！
招牌涼拌手工涼皮（$29），配料包括花生碎、青瓜絲、芫荽、蔥、炸黃豆、自家秘製麻辣醬、芝麻。他們的手工涼皮有別坊間以薯仔、麵粉或米來製做，而是選擇用上比較健康的紅薯製做。以紅薯做的涼皮口感會比較滑溜，煙韌彈牙，有嚼感。配上自家惹味的麻辣汁醬，食落開胃之餘，口感層次亦相當豐富。
除了招牌涼皮，米線也很受歡迎。配以秘製麻辣湯底（$29）或用上自家醃製酸菜的酸辣湯底（$29）。麻辣湯底有分BB辣、小辣、中辣、大辣。配料選擇多樣，自家滷製的腩肉滷得十分入味，成為不少顧客的必點配餸。
小食方面，不得不試這個一口酸菜魚（$38）！酸味十足，食落好惹味。選用無骨滑溜魚塊，讓顧客可以一口食落肚，感覺相當滿足啊。
點擊圖片放大
二荊條辣雞翼（$28/3隻，$38/5隻），辣勁十足。涼拌特色皮蛋（$22）皮蛋沾上大量秘製麻辣醬料，食落倍添滋味。另外更有麻辣墨魚頭（$38）和涼拌萵筍（$28），爽口美味。
如果覺得辣，不妨食碗解辣一流的爽口冰粉（$16）！味道選擇分別有黑糖和柱花。
點擊圖片放大
「涼皮小姐‧麻辣米線專門店」店鋪雖小，但環境整潔乾淨，坐得挻舒服。大埔區暫時都沒有同類型的店舖，大埔街坊又多一個美食好去處了。
活動資訊
- 地址 大埔太和路14號翠怡花園B座地下15號舖
- 人均消費$50或以下
- 開放時間星期一至日 12:00 - 21:15
- 電話3705 8465
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
