【西營盤美食】長洲人氣炸雞店進駐西營盤 即叫即炸！爆汁嫩滑烤雞/自家製香濃蘑菇飯
長洲人氣炸雞小店「熾工房 WoW Lab」最近進駐港島，於西營盤高街開設第一間分店。西營盤新開炸雞店「熾工房 WoW Lab」同樣主打炸雞、烤雞，配上多款自家製醬料，特別美味。當然少不了大受歡迎的自家製香濃蘑菇飯，用上農場新鮮運到的牛排菇製作，忌廉蘑菇汁質地濃稠，啖啖惹味！整體食物水準不錯，即刻看看有什麼好吃的吧。
西營盤新店環境較長洲店寬敞，採光充沛，讓食客坐得舒適。
「熾工房 WoW Lab」的炸雞頗有名氣，用上美國無激素雞，自家醃製，全部都即叫即炸，保證新鮮熱辣。滋味脆雞套餐 （$66）包括2件炸雞；1件雞槌和1件雞胸，套餐包括薯條和汽水。炸雞皮脆且肉質嫩滑，調味較淡，建議追加自家製醬料，食落更加惹味。
如果怕炸雞太過熱氣，不妨試試另一款人氣之選香辣烤雞套餐（$70）。香辣烤雞套餐都是包括1件雞槌和1件雞胸，烤雞的雞皮微微焦脆，雞肉比起炸雞更加嫩滑，而且啖啖都好Juicy。烤雞帶微微香辣食落更加開胃。套餐的薯條可以加錢（+5）轉做自家製香濃蘑菇飯！蘑菇飯有驚喜，用上農場新鮮運到的牛排菇製作，食到大塊蘑菇，而且忌廉蘑菇汁質地濃稠，撈飯一流啊！
小食方面，這個招牌雞翼拼盤（$98）相當抵食！拼盤包括懶人至愛的單骨雞翼12件、薯條1份、洋蔥圈4件、香脆墨西哥辣椒4件。單骨雞翼炸得香口惹味，而且吃起來不狼狽。香脆墨西哥辣椒非常特別，酸中帶辣，香口美味。炸物配上不同的自家製醬料，食落更加惹味！小店自家製醬料包括士拉差醬、特色辣醬、蜜糖芥末、芫茜檸檬、煙燻燒烤醬，以及黑松露醬。芫茜檸檬味道好特別，檸檬酸與芫茜香相互交融，讓人愈食愈開胃。
炸雞又怎能沒有啤酒呢！店內有多款啤酒選擇，炸雞配啤酒，爽啊！除了啤酒、汽水，「熾工房 WoW Lab」更有推出自家製特飲，比較受歡迎的有這款青檸芫茜梳打（$24），陣陣芫茜香，又不會太過濃烈，配上青檸梳打的清爽，很適合夏天一試。
活動資訊
- 地址 西環高街111號地舖
- 人均消費$51 - $100
- 熾工房 Wow Lab2866 0080
- 開放時間星期一至日 12:00 - 22:00
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣本地熱話
↓【香港貓迷博覽會2026🐱】大派300張門票！✨↓
一連3日！帶埋主子入場
↓【限時搶⚡】黑白®85周年限定迷你積木↓
↓3款限定精品↓
U GO 本週好去處
