淘寶在港推出「退貨寶」退貨享16元運費減免 順豐上門送貨料3月恢復

smith

吹水

淘寶已過時⁉️依家識用一定用... 網民：買兩蚊嘢已經順豐免運費🤩

近日越嚟越多人分享少咗用淘寶，反而用多咗另一個網上購物平台！指價錢仲平過淘寶呀～一齊睇下係咩平台？詳見圖3-13‼️ 資料來源：Threads 圖片來源：Threads、Canva #ucreator #ucreatorhk #攻略 #購物 #購物平台 #淘寶 #拼多多 #網購平台 #京東 #拼多多教學 #拼多多運費  #拼多多包郵到港

dinodaddy

吹水

得啖笑 (10) - 7天無理由退貨的幻想

我最近喺淘淘，憑住我縱橫商場幾十年、自以為火眼金睛嘅「精明眼」，買咗一個近來是 "香港地區榜-固態硬盤熱銷榜 No. 1" 商店嘅4TB SSD，希望upgrade部電腦行快啲。價錢幾多？300蚊港紙。 ***一場 300 蚊 vs 3000 蚊嘅智商稅*** 大家知唔知而家 2026 年，一個正正常常、寫讀速度合格嘅 4TB SSD 賣緊幾多錢？我去深水埗黃金商場查過，大牌子閒閒地都要3000蚊。 但我當時個腦係點樣運作㗎呢？我當時係處於一種「退休亢奮期」。我心諗： 「香港啲租貴呀嘛！啲代理要過河抽水呀嘛！我而家直接喺源頭搵工廠攞貨，300 蚊買到人哋 3000 蚊嘅嘢，呢啲就係人生經驗！」 最精彩嘅地方係，我睇住嗰個頁面，大大個字寫住：「支持香港退貨，7天無理由退貨」, 而且包退件郵費。我心諗，好彩我仲有呢把尚方寶劍！就算收到件垃圾，我即刻申請退貨，輸打贏要又如何! ***咁容易尋寶咩！*** 結果件貨寄到嚟，我興致勃勃咁插落部電腦度。 嗰個速度呀……我以為部電腦中咗輻射，全線癱瘓。佢唔係 SSD，佢簡直係一個「電子化石」。我 Copy files 入去，條 Progress Bar 郁都唔郁，顯示「剩餘時間：5 天」。 呢個唔係 SSD（Solid State Drive），呢個係 SSS —— Super Slow Snail（超級慢速蝸牛）。 試完隻"蝸牛"之後，我很明顯已經中招! ***退貨關卡才是真的大招*** 我在淘淘即刻申請退貨，竟然很快獲批。然後選定了屋企樓下嘅退貨點，懷著輕鬆的心情，拿著隻"蝸牛"去退貨。點知速遞公司個哥哥望一望件貨，搖搖頭同我講： 「SSD? 電子嘢唔可以香港退貨，過唔到海關，或者要打税申報。你要退？都係自己攞返上去深圳寄啦！」 我當場呆咗。心諗：「點解寄落嚟嗰陣又過到？唔通呢個SSD喺香港住咗幾日，攞咗身份證，所以唔可以隨便返大陸？」 呢個所謂「香港 7 日退貨」，擺明就係玩「灰色地帶」嘅局。佢話畀你聽個app容許你按退貨，但佢無話畀你聽，你要具備衝破重重關卡嘅勇氣同埋金錢、勞力先可以完成呢個動作。 對於一般香港人嚟講，為咗 300 蚊，要坐車去羅湖，排隊過關，再去搵間快遞公司，來來回回，仲要擔心會唔會畀海關沒收……呢件貨「無理由退貨」，其實係有「無限個理由」令你退唔到。 ***退休男嘅「速度感」與「掌控感」*** 我老婆見到我對住張快遞單發呆，佢好冷靜咁行過嚟話： 「算啦，唔係所有貨都咁嘅，今次買個教訓，抵到爛啦。起碼呢舊嘢仲可以當紙鎮，或者攞嚟墊張唔穩嘅枱腳。你唔係最鍾意追求『慢生活』咩？呢個 4TB 硬碟絕對係"慢"生活嘅極致。」 我發現，男人到咗 50 歲，最難受嘅唔係銀包縮水，而係你發現你嘅「江湖經驗」喺呢個新時代嘅某些不良電商陷阱入面，一文不值。你以為你執到寶，其實人哋喺背後笑你係豬。 好! 你搏我冇時間返上深圳? 我而家最唔缺嘅就係時間！反正久不久就上去玩，我決心一定要退，輸人唔好輸陣! 那一刻，我好似英雄本色Mark哥上身，好型咁答我老婆:「我自己唔見咗嘅嘢，我要自己攞返! 搵一日上深圳玩兼退貨!」 再作定一篇千字差評, 中英對照, "回敬"那奸商. 退完錢即post! 😂 (***後記***： 原來退款後不能再給評語, 那只望有缘人看到這blog, 不會像我中招！) 命運, 還是要自己掌控的！😌 #科技 #慢生活 #吹水 #熱話 #退休生活 #智商稅 #淘淘中招 #跨境退貨 #精明眼 (此文章由U Blog 同步發佈至社群)

Joanne

吹水

柴灣

## 淘寶紙巾驚喜 🤯 $2.1 一包抵到爛

日常用品紙巾是必須的😎 以為淘寶買紙巾質量會比較差😌 點知買呢隻效果又唔錯反而幾好用 細細包👍👍👍👍👍 $128有60包 平均$2.1一包⭐️⭐️⭐️⭐️⭐️ 而且淘寶買滿一個價錢包郵免費到香港 所以買紙巾時亦會選購其他貨品 加埋一齊免費運到香港🫢