寵物好去處2025｜新界區寵物友善商場4選 寵物巴士團/5萬呎寵物花園

U Lifestyle

狗

寵物好去處2025｜新界區寵物友善商場4選 寵物巴士團/5萬呎寵物花園

新界區寵物主人望入嚟！小編早前分別整合咗港島同九龍區嘅寵物友善商場，當然唔少得新界區啦！原來新界區都有好多間寵物友善商場，有齊天台、草地，室內用餐位，甚至有埋寵物巴士可以直達，的士錢都慳返！想知就繼續睇下社群U Creator有咩評價，未睇上集嘅您都可以點傳送門睇返啊！ ----------------- 【召集寵主】免費送您貓貓保健品！ 身為貓奴或狗主，當然想時刻保障主子健康！今次U Community社群為各位寵主搜羅一系列寵物美食及保健品，只要簡單登記，就有機會免費贏得貓狗保健品，呵護主子健康！ > 想要免費貓貓保健品 < ----------------- 香港寵物友善商場｜新界區｜1️⃣ 西沙GO PARK 西沙GO PARK位於烏溪沙及西貢之間，係2025年最新嘅寵物友善商場！商場設有一系列完善嘅寵物配套。商場部分餐廳都特設戶外位，甚至仲有寵物餐單，毛孩唔怕冇啖好食！而2樓設有3千呎以Glamping露營風為主題嘅寵物公園，可以同毛孩打卡享受度假一般嘅氛圍，輕鬆做Chill Guy~除咗寵物友善之外，西沙GO PARK仲有多個兒童遊樂區及運動公園，真正實現「人寵共融」！ > 由社群U Creator實測西沙GO PARK有幾好玩 < 仲煩惱緊出入只能帶寵物搭的士嘅您唔使擔心！早前九巴推出「寵物巴士團」，唔同班次可往返西九文化區、馬灣、南豐紗廠、西沙GO PARK等多個寵物友善熱點，各位寵主都可以留意相關班次，同愛寵一同搭巴士出行，遊山玩水冇難度！  >由 ”Oppa & Alex Fong” 分享九巴寵物巴士團資訊< 地址：馬鞍山海映路9號 ----------------- 香港寵物友善商場｜新界區｜2️⃣ 元朗YOHO MALL 想帶毛孩去室內玩，必去元朗YOHO MALL！商場提供寵物手推車 (每次可借５小時)、寵物袋、寵物繩租借服務，以及供應寵物便便袋及尿墊，配套十分齊全。設施方面都十分pet-friendly，有佔地約8000呎大嘅寵物公園DOT PARK「萌寵玩樂區」，有齊寵物滑梯、跳躍台及噴水區等設施，以及「萌寵休閒拍攝區」，狗狗放電完仲有得影靚相！而且玩到冇電仲有多達13間寵物友善餐廳可供選擇，絕對係元朗寵物友善好去處！ 地址：新界元朗朗日路9號YOHO MALL ----------------- 香港寵物友善商場｜新界區｜3️⃣ 荃灣南豐紗廠 講到「寵物友善」商場，荃灣南豐紗廠一定榜上有名！作為100%寵物友善商場，南豐紗廠不定期會舉辦寵物主題活動同工作坊，有多達11間寵物友善餐廳，而且係全室內座位，落雨都唔驚整濕曬！2大戶外活勳空間分別有2/F紗廠耕地及3/F紗廠公園，有齊草地及天台，寵物落地須繫上狗繩，有充足空間俾寵物盡情放電啊！ 地址：荃灣白田壩街45號 >跟住主人 “Bobby Bella” 打卡南豐紗廠期間限定藝術展< ----------------- 香港寵物友善商場｜新界區｜4️⃣ 圍方The Wai 位於大圍嘅圍方係近年新開嘅寵物友善商場！多種寵物友善服務包括寵物專用廁所、寵物車暫泊專區、寵物優先停泊位、寵物友善優先升降機、寵物用品借用等等，超貼心！ 商場2樓同3樓都設有約5萬呎嘅園藝花園，有一大片戶外大草地，可以盡情帶毛孩喺入面打卡同放電，度過愜意嘅一日。而商場有近7間寵物友善餐廳，部分仲設有室內友善座位，寵主同寵物都可以涼住冷氣用餐，唔使身水身汗啦~ 注意事項：商場範圍寵物不能落地行走，可於商場2樓顧客服務中心租借寵物車。  >官網睇詳情< 地址：沙田大圍車公廟路18號 >主人 “PoodleBunbun” 帶您打卡圍方園藝花園< -----------------  🔍延伸閱讀： >港島區寵物友善商場傳送門< >九龍區寵物友善商場傳送門< 🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 圖片來源：網上圖片、社群U Creator {{hket:tag-user display="積仔記-吃喝玩樂旅遊達人"}}724949{{/hket:tag-user}}  、 {{hket:tag-user display="Oppa & Alex Fong"}}710765{{/hket:tag-user}} 、 {{hket:tag-user display="Bobby Bella"}}936999{{/hket:tag-user}}  、 {{hket:tag-user display="PoodleBunbun"}}752523{{/hket:tag-user}}  招募U Creator l 出Post賺獎賞！ 立即登記➡️ https://ulapp.hk/mp25i #ULifestyle應用程式 #ULifestyleApp #MOMENTSwithUCreator #UCreator #社群 #送禮 #寵物友善商場 #寵物好去處 #新界區 #圍方 #南豐紗廠 #yohomall #西沙gopark #香港寵物好去處 #新界寵物好去處 #毛孩 #寵物放電好去處 #寵物好去處2025

U Lifestyle

狗

香港

寵物好去處2025｜港島區寵物友善商場推介 全新寵物公園/一站式寵物玩樂區

越嚟越多香港人養寵物，因此寵物同人類共融嘅場所需求越嚟越大！除咗帶毛孩落公園散步之外，近年仲多咗好多商場係允許寵物進出，而且範圍遍佈港九新界！今次小編就整合咗多間社群U Creator寵主們都讚好嘅港島區香港寵物友善商場，放假帶毛孩去放電嘅您要save低呢個post啦！ ----------------- 【招募毛孩🐱🐶】送您寵物零食/貓貓保健品！ 身為貓奴或狗主，當然係日日都周圍搜羅好味嘅美食俾主子！今次U Community社群為各位寵主搜羅一系列寵物美食及保健品，只要簡單登記，就有機會免費贏得寵物零食，一SET共有7種口味，以及貓狗保健品，呵護主子健康之餘，再用美食贏得主子歡心！ > 為主子登記免費零食套裝 < > 想要免費貓貓保健品 < *免費狗狗保健品活動將於9月中旬開始，留意官方公佈 ----------------- 香港寵物友善商場｜港島區 ｜1️⃣ 黃竹坑THE SOUTHSIDE 港島南區嘅THE SOUTHSIDE位於黃竹坑站上蓋，係黃竹坑第一個寵物友善商場，最近已經全面升級寵物友善配套！沿途設有貓狗友善通道，毛孩可以喺通道落地行走。而且仲有貓狗友善泊車位、露天貓狗活動草地及寵物室內遊樂場~ 狗主貓主都唔使擔心寵物無處可排泄，商場亦設有貓狗專用廁所及便便收集處，主人想去廁所都可以帶埋毛孩入寵物友善家庭廁所，咁就唔使孭住毛孩上廁所咁狼狽啦！ > 主人“Vivi” 分享THE SOUTHSIDE有幾寵物友善< 難得帶毛孩出嚟玩，有咩可能唔打返幾張卡？商場設有多個萌寵打卡位，全部都文青感十足！想更加出片，可以出發前幫毛孩精心打扮一下啊~ > “Genghis & Una” 分享THE SOUTHSIDE 3大打卡位 < 注意事項：THE SOUTHSIDE只允許寵物貓同狗入場，其它寵物除非得到商場書面同意，否則唔準進入商場範圍喔！ >詳情須知< 📍地址：黃竹坑香葉道11號  ----------------- 香港寵物友善商場｜港島區｜ 2️⃣ 赤柱廣場 想帶毛孩去遠少少chill一下，不妨去赤柱廣場！寵物狗可以喺商場範圍內落地行走，仲可以進出大部分店舖。而且大部分餐廳及廁所外都設有Dog Parking，主人可以安心暫放狗狗。赤柱廣場設有大型露天廣場，狗主都可以帶毛孩散步觀賞赤柱海灣風景，一同度過慢活愜意嘅一日！ 注意事項：商場人流眾多，記得幫狗狗系上狗繩同戴上口罩，避免寵物走失！ 📍地址：赤柱佳美道23號  ----------------- 香港寵物友善商場｜港島區｜3️⃣北角匯 北角匯近年全面升級寵物友善設施及配套，不但設有全港首個VIPet Lounge，有齊毛孩影院、按摩區及放電區三大專區，而且仲設有Pet Care服務站，專門負責便便處理、消毒搓手液及食水供應。 仲有寵物友善專用𨋢、寵主友善停車位及多間寵物友善餐廳，貼心為寵主打造舒適休閒環境。值得一提嘅係，北角匯鄰近海濱及今年新落成嘅東岸板道，有齊寵物友善嘅夢幻藍色遊樂場，商場行完再帶狗狗出去公園放電散步都唔錯！ >等狗主 “ewa.tobey.coco“ 帶您睇東岸板道有咩設施< 注意事項：寵主須將寵物安放於寵物車或寵物袋內，並扣上寵物繩方可同行。>詳情見官網< 📍地址：香港島北角北角邨裡1號(一期)  ----------------- 香港寵物友善商場｜港島區｜4️⃣灣仔合和商場 灣仔合和商場都係港島區其中一個受寵主歡迎嘅100%寵物友善商場。商場範圍內無論大狗定細狗都可以落地，有特別寵物通道、寵物友善cafe等配套，唔怕狗狗無聊！以為得咁多你就錯啦！15樓仲設有佔地6000平方呎Barkyard，集齊寵物美容、百貨、室內寵物遊樂場於一身嘅一站式寵物玩樂空間，仲會不定期有寵物市集活動，絕對係奴才帶主子大駕光臨必去之選！ 📍地址：灣仔皇后大道東183號合和商場 > 狗主 “guru.corgi” 拍片介紹合和商場寵物友善配套 < ----------------- 🔍延伸閱讀： 九龍區寵物友善商場清單 新界區寵物友善商場清單  🔔 Follow《U Community社群》Instagram 同讚好 Facebook專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 圖片來源：社群U Creator @Tpl 、 {{hket:tag-user display="guru.corgi"}}278143{{/hket:tag-user}} 、 {{hket:tag-user display="Vivi"}}968848{{/hket:tag-user}}  、 {{hket:tag-user display="Genghis & Una"}}167263{{/hket:tag-user}} 、 {{hket:tag-user display="ewa.tobey.coco"}}941724{{/hket:tag-user}} 、 招募U Creator l 出Post賺獎賞！ 立即登記➡️  https://ulapp.hk/mp25i #ULifestyle應用程式 #ULifestyleApp #MOMENTSwithUCreator #UCreator #社群 #送禮 #寵物友善商場 #寵物好去處 #香港寵物好去處 #毛孩 #寵物放電好去處 #airside #西沙gopark #寵物好去處2025

布丁夫人 Lady Pudding

寵物

上水廣場

估唔到連毛孩都有MBTI😳🐶

仲會直接配埋｢專屬穿搭風格｣✨ 今次嚟上水廣場5樓個Pet Studio,
幫布丁做咗個MBTI性格測試🔮 原來唔同性格,連適合嘅造型都唔一樣 仲可以👇
✔️ 即場試衫打卡👗
✔️ 做埋專屬繡名+MBTI領巾🧣
✔️ 留低專屬肉球手印🐾
✔️ 仲玩埋人生四格自拍📸 成個空間幾好行,同埋好多位都幾好影🤍 {{hket:campaign display="去新酒店staycation"}}{{/hket:campaign}}