早前有一名單親爸爸在網上發文，表示自己「因原住地方業主問題，被迫本月內要遷離！」由於很大機會準備「上公屋」，打算接回2名女兒一同居住，所以希望得到有心業主街坊幫助，以月租$3,500徵屋短租附基本傢俬。帖文隨即在網上掀起熱論，不過有網民質疑樓主「租屋都要賣慘情」，即入內文睇詳情啦！
有男網民在Facebook群組「自己物業自己放，租買免佣」發文，指自己是單親家庭，原本準備接2個女兒團聚，但因為原居住地方業主問題，被迫要在這個月內遷離，所以希望可以在屯門徵屋短租。
事主表示自己「好大機會準備上公屋」，但確實時間需要有待當局處理，並在文中提到「徵屯門業主盤短期租，預3500內，望有基本傢俬，一按一上！（即交各1個月按金及租金）…望得到有心業主街坊幫助可以有個地方落腳，咁囡囡可以得閒返嚟幾日都可！百鬆呎實用都可！」。
文章隨即在網上掀起熱論，不過許多網民表示$3500實在難以租到理想單位，建議事主可尋求社工幫助或嘗試申請過渡性房屋，「3500仲要有基本傢俬，可以3個人住，都睇怕冇乜可能」、「你搵婦女協會，協會會幫你找到住的地方落腳」、「3500難搞d元朗d平房可能有機會 不過好荒蕪」、「$3500 村屋都難... 」。
同時也有網民質疑樓主「租屋都要賣慘情」，直指「3500蚊仲想同兩個女一齊住？得閒先翻嚟幾日，有手有腳都租到間8.9000千啦 博可憐？」、「好大感覺又係大陸人嚟香港公屋」。樓主則在留言回覆網民，表示自己是土生土長真香港人，在疫情下捱了2年多，「就憑現在您眼鏡嘅文章就可以決定我經歷過啲乜嘢」、「難道真係掉低兩個女喺孤兒院咩？」、「有頭髮無人想咁嘅！」。
►同場加映：【衝出嚟玩】超簡易2小時港島東歌連臣角砵甸乍山郊遊徑路線！從筲箕灣站出發、到終點觀海亭睇海岸靚景
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮🎁】大派亞洲旅遊數據卡350張！第2擊！↓
↓4日無限數據！12 個地區適用！↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
