一舞傾城|34歲蔡潔被霸王硬上弓扯爛黑絲畫面超肉緊 官方曝幕後花絮原來仲激過播出街

文: 羅志宏
2023.05.16

由王晶擔任製作人的TVB新劇《一舞傾城》昨晚播出第一集,劇中主要角色陸續登場,其中「當家第一頭牌」Monica(蔡潔飾)與「雞毛司令古惑仔」麻鷹(李嘉飾)的強姦戲份就成為焦點,超肉緊的畫面更是睇到觀眾嘩嘩聲。之後,TVB官方釋出幕後花絮,場面原來更加震撼!

第一集劇情焦點落在,麻鷹(李嘉飾)欲對Monica(蔡潔飾)霸王硬上弓的場口,麻鷹扯爛Monica的黑絲,幸好志飛(楊明飾)及時趕到將Monica救出。蔡潔透露:「拍呢場戲時我冇整親,反而阿嘉畀張枱嘅玻璃整親,記得拍咗第一Take時佢係血流不止,大家都唔知點算好,呢個時候男人就會發揮好Man嘅魅力,佢完全係唔Care個傷口,最後好順利地拍晒。」

無綫娛樂新聞台之後釋出官方幕後花絮,見到拍攝蔡潔險被李嘉強姦的戲份時,蔡潔坦言拍攝前頗為緊張,事關這是一個考驗體力和精神的雙重挑戰。花絮所見,拍攝電場有兩位幕後人員親自示範這個場口,好讓兩位演員清楚鏡頭走位,出來的畫面更見異常震撼。

講到為今次角色做的事前準備,蔡潔透露請教了一位曾在夜總會工作的朋友,她說:「我捉住佢問咗好多,聽咗好多真實故事之後,令到我對角色多咗好多Connection。」蔡潔續指90年代美的標準,與現今社會大相逕庭,原來她事前還參考了大美人鍾楚紅的作品。

蔡潔說:「嗰時鍾意濃妝艷抹,着裝比較誇張,我自己好少咁樣打扮,事前都擔心自己做唔做得到,搵咗好多當時美人嘅形象參考,其中一位就係鍾楚紅小姐,佢都演過類似角色,有搵一啲佢嘅作品參考,佢真係太靚喇。其實當你化晒妝、整晒頭換埋戲服,一行入個景就會自然代入咗個角色,好享受拍攝過程。」

 

圖片來源:TVB、劇集截圖

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓