最近又走到$12店「巡舖」，平日都愛睇家品又或廚房用品，平平無奇的一件小物總會帶畀我一啲小驚喜，今次在舖就見到這幾件入廚小幫手，好方便就可以幫到我這類不想煮食的人，大家睇吓有無興趣入手試吓！
1. 扭扭牛油棒
平時買牛油都總是一大件，每次用都好不方便，這個小棒又幾方便，只要切開一小條牛油，放入牛油棒中間，每次用只需要扭出來就可以用，超方便！
點擊圖片放大
2. 小丸子夾
這個小夾除了可以幫手整到完整肉丸之外，平日外郊或比小朋友帶食物返學都可以用來整小飯團，只要整好飯或肉碎在夾，然後搖晃3秒左右，就可以見到圓圓嘅肉丸或小飯團﹗
點擊圖片放大
3. 小蕃茄鉗
呢個真係超方便，當要煮意粉嘅時候，用上大量蕃茄仔，每次要取下小葉子都好煩，今次用呢個夾一秒都唔使就可以搞掂，以後煮蕃茄意粉都要用佢﹗
4. 三色椒除芯器
呢個除芯器就更簡單，只要上下兩邊插入小工具，然後拉開就已經可以將三色椒芯完整取出，唔使慢慢用刀整走。
5. 煮玉子神器
自己就覺得呢個小工具最驚喜，放入雞蛋和適量水，搞拌放入微波爐「叮」幾秒後取出，然後再搞拌多一次再「叮」大約40秒，取出後壓平，好簡單就已經煮好「香噴噴」日式玉子啦！
6. 一物多用勺
初初見到呢個飯勺幾得意，因為可以將其一分為二，原來除了用來平日盛飯之外，亦可以幫手整便當，亦可以切烏冬和整沙律，又幾抵用喎。
【info】
產品購自 Aeon Living Plaza 及 Daiso
惟每間分店供應商品或有不同，詳情請向官方查詢。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
