今個月又有大食代（Food Republic）美食廣場結業！繼MOKO食代館4月結業後，油塘大本型店亦將於今日（12日）正式結業，2個月內接連結束2間分店。消息一出，即引來不少網民熱議，不少人看到帖文後表示「又貴 又唔好食」、「好難食」，更有網民認為「一早執啦....」，即入內文睇網民點講啦！
自2005年進駐香港後，「大食代」（Food Republic）一直以來致力優化本地美食廣場Food court的餐飲文化，提供不同地方的特色美食專櫃及小型餐廳，現時於香港、新加坡、馬來西亞、泰國、中國大陸及台灣共擁有超過60間美食廣場。不過近期香港「大食代」（Food Republic）接連有分店結業，繼旺角MOKO新世紀廣場於4月結業後，油塘大本型店亦將於今日（12日）正式結業，據網民上傳的商場告示牌所示，「由於租約期滿，大本型大食代將於6月12日起結束營業，感謝各位的支持。歡迎 閣下蒞臨其他大食代分店」。至於「大食代」$10現金券，亦有告示牌詳述安排，如會員以積分換領「大食代$10現金券」而未兌換，請於6月30日或之前憑券到指定客服中心辦理積分退回或更換指定商戶$10現金券一張。
旺角MOKO食代館及油塘大本型店相繼結業後，目前香港大食代（Food Republic）的美食廣場全港餘下4間分店，分別位於大角咀奧海城、尖沙咀新港中心、佐敦恆豐中心以及東涌東薈城2期。
油塘大本型結業消息一出，隨即引來大批網民及街坊熱議，有人認為「一早要啦，難食到嘔又貴」，留言表示「好似全香港food court都比佢包晒黎做，個名都衰過人，抵執」、「貴過餐廳的food court，根本不合乎市場」、「又貴 又唔好食」、「好難食」、「希望之後有好嘢食」、「成個food court 得八方雲集值得尊重」，當中更有網民建議「拆埋附近d傢俬舖 合拼開間IKEA」。
不過亦有街坊對其結業感到依依不捨，並指「又少了一處坐坐的地方」、「咩事咁快執，大商場都做唔住，可見經濟幾差」、「咁多人幫襯點會結業，係咪又係商場唔續約」、「又執？已經執好多地方！」其中有街坊直言油塘的小店本來不多，大型商場又只有大本型，大呻「大食代都執……油塘等住食包算」。
同場加映：【香港周圍遊】直擊觀塘全新日式榻榻米風人貓共享空間！25隻嗲人貓咪/日式定食/入場包任飲茶+汽水
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
