EV（Electric Vehicle，電動車）愈嚟愈普及，香港計劃喺 2035 年之前停止新登記燃油及混能私家車，邁向低碳城市。如果你想了解更多，又或者你係電動車迷，就唔好錯過 8 月 19 日至 20 日由中電舉辦嘅「低碳 Formula EV 嘉年華@零碳天地」，嘉年華室內外活動範圍佔地超過 1 萬 4 千平方米，即睇今次嘉年華精彩亮點：
- 一次過睇到最新型號嘅雙層電動巴士、電動小巴及的士等多款電動商用車
- 「低碳分享會」由業界代表分享香港電動商用車嘅最新發展
- 「EV 充電大街」有中電工程師介紹安裝充電器嘅實用資訊，仲會即場解答疑問
- 「新手試駕區」畀小朋友免費試揸迷你電動車，仲有由大會合作媒體《車主》特別策劃嘅模型遙控車比賽畀大朋友一較高下
- 玩轉零碳天地新開設嘅 STEAM Lab 訓練營，學習建造業新科技
- 多個有獎遊戲攤位，玩住學習電動車及環保知識
- 多個影相打卡位，仲有 IG 濾鏡玩特效遊戲
- 完成指定活動，仲有機會獲得中電限量版模型電動車 或其他精美禮品
多款商用電動車率先登場
中電一直致力推廣環保低碳生活，電氣化公共交通係其中重要嘅一環。今次於建造業零碳天地舉辦集 STEAM、互動體驗及多元低碳教育嘅合家歡活動，期望大家可以了解更多電動車嘅發展同優點，齊齊實踐綠色出行。
嘉年華當然有得睇有得玩，其中「EV 展區」可以率先一次過飽覽最新電動公共交通工具，包括九巴全新雙層電動巴士、電動小巴及的士，以及純電動輕型客貨車及電動混凝土車等多款電動商用車，令人大開眼界！
專家教路 認識電動商用車最新技術及充電技術
活動當日，大會邀請知名電動車業界代表出席「低碳出行分享會」，與大家分享如何實踐淨零發電、講述電動巴士發展藍圖、商用車電能化進程，等公眾可以緊貼香港電動商用車嘅最新動向。
對電動車有興趣嘅朋友，就一定要了解更多充電器嘅技術。嘉年華現場設有「EV充電大街」，到時中電工程師會為大家介紹電動車嘅優點，又會分享安裝充電器嘅實用資訊，仲會即場解答大家嘅疑問。
小朋友專享 免費體驗綠色駕駛及 STEAM Lab 訓練營
今次活動除咗滿足車迷外，還非常適合親子出動齊齊玩！嘉年華設有畀小朋友免費體驗駕駛嘅「新手試駕區」，而大人則可參加由合作媒體《車主雜誌》策劃嘅模型遙控車比賽，或者與仔女齊齊落場一較高下。
兒童免費體驗自駕迷你電動車
模型遙控車比賽，父母與子女齊參加一較高下。
嚟到建造業零碳天地，當然唔可以錯過以建造業為主題全新開幕嘅 STEAM Lab訓練營，小朋友可以參與唔同嘅互動遊戲，亦可以透過導賞團以有趣嘅角度認識建築科技同本地建造業，從中提升物理科學、工程、數學三大範疇嘅興趣及知識，及早培育同裝備未來減碳小先鋒。（名額有限，敬請預約）
建造業零碳天地設有全港首個以建造業為主題嘅 STEAM Lab 訓練營，透過互動遊戲帶領小朋友應用 STEAM 才能。
除此之外，會場內亦設有多個有獎遊戲攤位，家長可以帶小朋友透過小遊戲學習電動車及節能減碳嘅有趣知識，同時了解中電 App、「全心傳電」慳電幫人換獎賞計劃，以及可再生能源證書等多元服務。
會場內設有多個有獎遊戲攤位，小朋友可以寓玩遊戲於學習。
特設車迷打卡區 完成指定活動賞限量版禮品
現場設有多個打卡位，可以透過 IG 濾鏡玩特效遊戲，上載到社交平台，同朋友分享體驗電動車嘅樂趣。唔好忘記仲有既有環保教育意義又有趣嘅互動學習，完成指定任務，就可獲中電限量版模型電動車乙部，或其他精美禮品乙份*，想得到就要早啲入場體驗各項活動啦！
*數量有限，先到先得，送完即止。
車迷記得到打卡區玩 IG 濾鏡玩特效遊戲，體驗電動車嘅樂趣。
入場人士完成指定任務，有機會獲贈中電限量版模型電動車。
中電【低碳 Formula EV 嘉年華@零碳天地】
日期及時間：
8 月 19 日(星期六) 下午 2:00 – 6:00
8 月 20 日(星期日) 上午 10:00 –下午 6:00
地點：九龍灣常悅道 8 號建造業零碳天地
費用: 免費入場
資料來源：中電
」，
App內睇文同睇片可隨時捕捉U Fun彩蛋，
換領現金券及禮品！
【送飛🎟️】請您去《UNISON FEST潛台祭》🎧！
↓ 暑假最強音樂祭！睇KOLOR、Kiri T、雷同二友...↓
↓【U Jetso】健之堂艾草滲透止痛貼套裝！↓
↓ 專業中醫藥教授及註冊中醫師親自調配！無西藥副作用及水楊酸！ ↓
