Edan呂爵安細妹小如豬減肥有功愈大愈瘦!紅髮大學生近照脫胎換骨明星相湧現

文: 羅志宏
2024.03.26

MIRROR人氣王之一Edan(呂爵安)與細妹小如豬一向感情要好,早前Edan主演電影《盜月者》上映,Edan細妹小如豬就選擇在IG公開支持哥哥,貼出了打卡相,相中所見染了一頭紅髮的細妹小如豬亭亭玉立,而且減肥有功,愈大愈瘦!

細妹小如豬日前在IG分享予大學High Table Dinner的靚相,身為港大牙醫科學生的她穿上一套高桌晚會的綠色袍,一頭紅色頭髮形成強烈對比,而且瘦身成功見V面,明顯女大十八變!

同場加映:【著數慳家王】最新影片


小如豬早前在IG上發文寫道:「去睇spy family路過順便打卡,其實仲未睇:p 聽爸爸講話幾好睇?」而「妹控」Edan就留言回覆:「QQ chu😘😘😘😘」。相片可見,小如豬的清秀樣子比起以前的嬰兒肥顯得清減不少,加上染了一頭紅髮,更顯星味十足。

Edan每年來到細妹的生日都會公開出Po祝賀細妹,2023年在小如豬19歲生日時一樣不例外!Edan在IG社交平台上寫道:「Happy birthday to the cutest person in the world (祝世上最可愛的人生日快樂)19歲了,身體健康,開開心心 #一年一度攞正牌Po佢 #呂家有女初長成 #每年固定避開我個BirthdayKiss」。相中可見,Edan與細妹一如以往頭貼頭合照

Edan早前完成一連三場的個人演唱會,而細妹「小如豬」都有和家人一起撐場支持哥哥,之後更在IG社交平台上分享後台合照,發表睇騷後的感受,大讚哥哥Edan的演唱會好好睇。另外,在Edan一家人大合照相可見,今年升讀港大Year 2的細妹之前就染了一頭粉色頭髮示人,顏值更見精緻。

全文如下:

平時睇阿哥d show既時候都好緊張 今次就一坐低就覺得好感動 特別係唱以後別做朋友既時候 諗翻起阿哥出道之前成日係廁所唱 得我同屋企人係佢既觀眾(被迫)到到而家佢係自己既演唱會唱 有咁多fans陪住佢支持佢 真係覺得好不可思議TAT 雖然你成日話自己好好彩which我都覺既 不過呢幾年都真係好佩服你既努力同心機 而家真係想揼曾經懷疑過你行呢條路究竟得唔得既我兩槌
今次準備演唱會既時候我中左甲流 搞到本身因為工作已經冇咩時間準備既阿哥又少左時間係屋企練 最後呈現既效果咁好(戴頭盔我自己覺得!)真係好驕傲 幽默呢方面係要向你學習 聽翻你唱空白格就真係覺得你進步左好多 really proud of u ar! 係一場好好睇既show for real!感恩感恩!
 

Edan經常在社交平台稱呼細妹為「小如豬」,已經亭亭玉立的小如,眼大鼻高,而且雙眼皮深邃,皮膚相當好,樣貌夠晒Pure,更屢被指「好有明星相」。細妹的五官與Edan幾乎餅印咁,似到十足,不時都被網民戲言細妹是「女版Edan」。

向來都是「妹控」的Edan過往經常在社交平台貼出與細妹的合照,雖然Edan與細妹年紀相差7年之距,但同樣感情要好。Edan就曾透露由細到大都非常痛錫細妹,更會親暱地戲稱細妹為「小可愛」、「胖妹豬」,而細妹更曾投訴過哥哥Edan很痴身和黏人,非常搞笑。

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓