工程延誤客人頼死唔肯找尾數　專家教你裝修錢銀糾紛可以點樣避免！　

===========

同場加映：

【家居達人】專家教颱風來襲6大必知 必學 DIY驗窗法+強制驗窗點搵師傅？1招預防窗戶意外

============

設計師Pat從事設計裝修約30年，去年4月接到客戶吳氏夫婦嘅訂單， 吳生疑似教會神職人員，話要自立門戶成立地下教會。Pat 5月出設計圖，6月出報價表，單位約1,200呎，要做隔音工程，整個工程預計約要110萬。預計工程費用過百萬，工程要四至五個月，當時雙方共識分三期付款，至去年7月工程正式展開，初期都好順利，Pat 主要同男戶主接洽；但到第二期畀Payment時，吳生忽然話吳太嫌工程進度太慢，但Pat表示工程延誤原因，係因為工程期間客人不斷要求有改動，尤其差不多佔工程預算一半嘅木器傢俬，好多built -in傢俬其實放唔落，係要去到現場先再調整；又例如吳太忽然要將客廳嘅隔音牆改成特色牆等，最後工程要延遲到今年一月初先完工。

設計師Pat（右）從事設計裝修約30年，今次被客人拖欠尾數，起初曾諗過自己借錢去找數畀裝修師傅。

阿Pat表示工程延誤因為工程期間客人不斷要求有改動，同時好多built -in傢俬其實放唔落，要去到現場再調整。

按工程進度    作4-3-2-1式收裝修費
於是設計師Pat出咗單畀客人核對尾數，但客人無理會過，二星期後，阿Pat真係要畀錢裝修師傅，但客人喺呢個時間，先至話個報價唔合理！係咁話設計師各項收費都貴咗，例如清潔費，別間公司只收$5,000，而家要畀$6,500等，阿Pat就話前後共清潔過兩次，已經無另加費用。阿Pat投訴工程期間報過價，但當時吳氏夫婦完全無話價錢有問題，出爾反爾，連基本誠信都有問題。例如屈阿Pat要陪高價床褥，或者因為吳太本係利用此單位替人補習，因為裝修工程延誤兩個月而要阿Pat賠償損失等。阿Pat已經就工程日期延誤而多番道歉及解釋，但吳氏夫婦反覆咬住呢點唔放，總之唔肯畀尾數。

工程完成後，阿Pat出咗單畀客人核對尾數，但客人無理會過，後來又話個報價唔合理，總之唔肯找尾數！

而Pat又話吳太後期忽然態度好差，原來吳太係懷疑以為Pat同吳生「有路」！本來協議話尾數十三萬幾喺7月中畀，但結果吳氏夫婦無畀到﹗而去到7月中， 吳太又忽然話間屋住落有問題要驗樓，同埋又再度咬住設計師遲咗好多先完成裝修，要設計師賠償損失……節目組又打電話搵嚟吳太，但對方唔肯出嚟接受訪問，並且同阿Pat隔空電話駡戰，但結果吳太反駁唔到，忽然收線……後來Pat通知節目組，話吳生問朋友借咗錢找咗尾數，拖咗半年，件事終於搞掂！

香港樓宇檢驗協會副會長王信智睇過工程圖，話工程都幾複雜，應該都要至少60天先夠，而對於呢類裝修錢銀糾紛，王信智建議可按工程進度，分4次收錢，而每次收錢嘅比例為4:3:2:1，而唔係今次事件嘅「4-3-3」式收錢。

香港樓宇檢驗協會副會長王信智表示為避免類似嘅裝修錢銀糾紛，建議可按工程進度，分4次收錢，而每次收錢嘅比例為4:3:2:1。

text/Joyce
photo/節目截圖