新聞女王佘詩曼｜TVB台慶劇《新聞女王》昨晚（20日）在翡翠台首播後好評不斷，網民大讚兩位女主角佘詩曼及李施嬅演技到家，除讚佘詩曼主播Tone幾可亂真，又指李施嬅似足跑現場的傳媒；網民又普遍認為第一集劇情豐富緊湊、戲劇效果及張力足夠。
首集甫一開始片頭以「小劇場」代替主題曲，突顯故事角色或人物背景。第一集小劇場主角是Man姐，雖然時長只有約四分鐘，已將Man姐高冷、果斷及有智慧的女強人人設立體展現，先後收服老闆級盧博士（鄭啟泰飾）及熱血學生Bella（郭柏妍飾），尤其反問Bella的數句更是句句啜核：「觀眾望住個畫面就決定轉台定繼續睇落去，你有冇把握黃金七秒？」、「想做主播淨係有記者Sense 唔夠架喎」。
緊接每集小劇場的間場，是新聞專業用語解釋或是名人經典語錄，兩者將交替出現突顯每集主題。首集的間場是貼題的Anchor用語解釋，之後馬上進入戲肉—大型巴士翻側意外！意外發生後，SNK News兵分三路做故仔—…在既要合作又要一爭長短的前題下，文家軍及佐治黨分別就巴士機件故障、及司機與乘客爭吵兩個截然不同的角度進行調查及採訪，家妍則帶著表現不佳的新人唐芷瑤（陳曉華飾）衝上最前線…
第一集佘詩曼由頭帶到落尾，事故發生後Man姐拿著咖啡直衝主播間、以機關槍式口脗向團隊發施號令已相當有型；之後一幕Man姐在倒數直播出街的生死關頭，竟以無人可取替的主播身份、威脅新聞總監飛爺（鄧智堅飾）將芷瑤交到她手上，並信心爆棚爆出一句：「我都好想知邊個坐到我呢個位！」展現超凡氣勢。
談到劇中主播Tone令人驚艷，無論神態、聲調、語速均甚為像真，阿佘受訪時透露一早開始做功課：「開拍前大半年我已經睇緊劇本，當時亦開始做功課練聲，睇咗好多唔同國家新聞主播報新聞，睇吓邊種演繹方式啱Man姐。」對於對白又長又涉及大量專業名詞，阿佘笑言由於當時要每天密集式開工，故絕對是大挑戰：「我每日拍十幾場戲，工作量大又多嘢記，每日收工返到屋企好似打完一場仗咁，不過自己都享受呢種成功感。」
第一集還有不少上位小花、小生以及資深演員加持，分別為郭柏妍、陳曉華、飾演飛爺秘書的曾淑雅（Jumbo），以及飾演警察的張頴康、黃庭鋒、黃耀煌及鄔嘉駿；當中以郭柏妍及陳曉華最為亮眼，前者的清純四眼Look、配以純真呆萌眼神可愛又搶戲；後者因能力值不足飽受嫌棄走上歪路，角色頗有發揮，其中一句：「無論幾努力都好，努力庸才點努力都唔會追得上努力嘅天才」，更活脫脫道出了資質平庸職場人的辛酸，難怪內地網民對劇集編劇讚不絕口：「新聞女王編劇是懂打工人的（意思是明白打工仔苦況）」。
新聞女王｜盤點佘詩曼Man姐霸氣語錄
- 呢行邊個唔搶呀？搶獨家 搶頭條 搶畫面 搶人！
- 咩都要我講你先識做，公司可以冇咗你架喇喎
- 依家上網咁多嘢睇，點解一定要睇我哋先？所以我哋要多角度、專業分析、要新嘢、觀眾未見過嘅最好
- 打開電視 邊啲真邊啲假你識分咩？上面出現每個畫面、每一個字，都係設計出嚟，由我哋控制切入點、由我哋教觀眾點睇。
- 冇錯，新聞冇經濟效益，不過真相有。
- 「你情願用隻戴住三卡戒指嘅手去抹眼淚，都唔寧願用你啲傷痕，去證實你反抗過爭取過？如果你肯企出嚟，呢啲就係你嘅戰績，你就係英雄！」（激將法令葉晨站出來）
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
