獲派公屋的確是開心事，但單位狀況久佳難免令人沮喪！早前有港人網上發文，指自己被獲派柴灣公屋，然而房署的翻新工程卻讓他大嚇一驚，他在收屋後發現木門破爛、窗台滲水、廁所水箱漏水滲到牆身，就連電燈線、電掣面板也有損壞，即使向房屋署投訴後亦無果，讓他不禁直斥「房署外判翻新公（工）程超級差」。事件引發大批網友關注，不少人均同情事主遭遇，又建議他一定要「企硬」，繼續向房署、管理處求助。
有港人在Facebook群組「公屋討論區」發文稱排公屋9年，終於在今年9月獲派柴灣連翠邨一公屋單位，當時事主選擇由房署的翻新工程承辦商進行工程。雖然有公屋住是幸運的事，但他在文大呻「而（依）家房署外判翻新公（工）程超級差」，收房拿了鑰匙後，才發現屋內多個地方都有問題，「廁所水箱漏水，仲要滲到牆身，木門勁爛，灶台冇換過，落完大雨發覺窗台滲水，裝左電燈發覺電燈線壞唔着，裝完冷氣機發覺冷氣機掣面板壞，最後發覺總電箱鬆」。
隨後事主補充道，指自己曾多次向房屋署投訴後亦無果，「投左，無人踩（睬）你，一路話佢地搵師傅約緊期」、「我寫信去房署總署都冇用」，他又試過「搵左民建聯，派左咭片冇跟進」，同樣是求助無門。帖文一出，隨即引來大批網友關注，不少人均同情事主遭遇，並留言表示「咁滲水好難搞，隨時整完又滲，考慮清楚」、「滲水無得玩一定要求換另一單位」、「真係唔惦喎，邊有翻新過」、「叫佢執返D漏水先啦，電制吾用到漏電，全部人受影響！企硬去管理處同佢講」。
也有網友指出屋內問題那麼多，實在不解事主為何沒有在簽收公屋時反映，「有簽收單，可以指出什麼吾（唔）收貨」、「收房時你無檢查？」、「唔係睇左樓先簽既咩」、「簽左自己收左樓就麻煩，要自己跟」。不過也有網友以親身經歷力挺房署翻新工程，「收樓時見到座廁洗手盆都係新嘅」、「師傅亦好好 每日whatsapp 同我講進度 仲send 埋相比我」，並表示「唔係個個人都Hea 做野」。
就今次事件，本網已經向房屋署查詢有關事宜，至截稿前未有回覆。
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
