AEON 12蚊店接連結業!2間分店本月執笠結束15年營運網民憂「愈執愈多」

文: 溫藹紅
2023.12.07

AEON 12蚊店結業!AEON旗下Living Plaza 12蚊店最近接連宣布結業,其中2間分店已先後貼出告示通知顧客,均將於本月內正式執笠,不少街坊得悉後大感不捨,更擔憂「係咪會愈執愈多」,即看12蚊店結業日期及分店地址。

AEON12蚊店遍佈全港,然而最近有多間分店已先後宣告結業。其中Living PLAZA by AEON筲箕灣分店已貼出告示,宣布分店將於今個月底結束營業,日前有街坊發現告示後,指「本店之最後營業日為12月31日」,令不少街坊深感突然,直言「幫襯了十幾年都要執」,指經常於此分店買到心水貨,深感可惜。

至於另一間Living PLAZA by AEON黃埔花園店,早前亦已宣布將於今個月中旬(12月17日)正式結束營業,附近的AEON分店同樣如常營業。

翻查官方資料,Living PLAZA by AEON筲箕灣分店早於2008年1月開業,至今已逾15年;Living PLAZA by AEON黃埔花園店則於2017年10月開業,佔地面積4,000呎,至今開業6年,2分店今次結業主要因為租約期滿。不過後者對居民影響未必太大,因附近不遠處的黃埔新天地(黃埔號內),同時坐落著AEON STYLE,涵蓋超市、百貨外,店內同樣設有12蚊店Living PLAZA,街坊可以稍移玉步前往掃貨。

雖然區內或附近12蚊店未至於完全消失,但對於今次結業消息,不少街坊就覺得特別可惜,其中黃埔街坊認為「黃埔船同黃埔新天地,兩間有啲嘢唔同,有時得閒行曬兩間呀」、「唔好啦,好中意行12期(黃埔花園)AEON」、「喱間好行過隻船果間好多」;都有人表示目前市道不佳,擔憂「其實係咪會愈執愈多」。大家記得把握最後機會!

▼網民咁講▼

然而都有街坊不感意外,認為同區附近重覆開設相同的品牌店,指「都估倒,兩間咁近」、「 我一直唔明做乜船又有,豐X果度又有」、「開太多就係咁,又冇咁多客路,行多過買,租又吾平」,直言無可奈可,否則「蝕死」。

Living PLAZA by AEON筲箕灣店 詳情(將結業)

地址:香港筲箕灣望隆街2號銀河廣場1樓101至106號舖
營業時間:10:00 - 20:30
最後營業日:2023年12月31日

Living PLAZA by AEON黃埔花園店 詳情(將結業)

地址:九龍紅磡黃埔花園第12期地下40號舖
營業時間:10:00 - 22:00
最後營業日:2023年12月17日

AEON STYLE黃埔店 詳情

地址:九龍紅磡黃埔新天地第5及6期地面及地庫
營業時間:08:30 - 22:00

資料及圖片來源:FB@12蚊店關注組FB@AEON Stores 關注組FB@黃埔人•紅磡人•土瓜灣人、AEON Stores Hong Kong

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓

↓ 結合「氣炸」同「烘焙」︱0.2秒即熱︱7種烹調模式↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓