天水圍特快公屋！最近有港爸分享，一家三口苦等足足7年半，經過二派後，最終獲派天水圍一個凶宅單位，不過就因1個原因，感恩接受並宣布「畢業」，引來不少網民留言支持。
早前有港爸在社交平台群組「香港公營房屋討論區(FB版)」發帖，指一家三口申請「新界3人」類別公屋單位，前後總共排了7年半，去年首派至屯門蝴蝶邨，但距離現時就讀中三女兒上學的地點太遠，又不願轉校，惟有拒絕該單位，之後二派是屯門「公屋三寶」之一的大興邨，同樣拒絕。
他表示，自己居住元朗已有10多年，為了獲派心水地區公屋，他最後轉戰申請特快公屋，揀選天水圍一個問題單位，「考慮咗好耐， 天水圍單位有370呎， 面積夠大，冇得睇，最終都係要咗，裝修之前， 做啲儀式就OK啦，唔使咁在意！」港爸指出，該單位曾經發生過1名86歲伯伯「空中飛人」事件，但單位勝在夠大，而且地點符合心水，最終特快畢業。
不少網民紛紛留言道賀，大讚港爸明智，認為蝴蝶邨環境欠佳放棄是正確選擇，「唔要蝴蝶係明智決定」、「蝴蝶邨真心唔好住，除咗交通方便，整個生活環境都好差」；至於天水圍「近年交通做得幾好，只係巴士線好，如果去屯碼或屯倉就慘囉，時間竟然耐過巴士出觀塘」。
▼網民咁講▼
特快公屋編配計劃
「特快公屋編配計劃」是公屋自選單位程序，於2023年9月13日開始進行，首批為2人或以上家庭申請者，而第二批則為1人申請者，預計於2023年12月開始。「特快公屋編配計劃」是根據公屋資源情況推出，以⾃選單位形式進⾏，計劃中可供揀選的單位⼤部份都是受歡迎程度較低公屋單位，申請者揀選單位時沒有地區限制，惟須依據其公屋申請認可家庭⼈數，按個別單位編配標準，在可供揀選單位名單中，自行揀選單位，而每宗合資格申請僅得一次揀選單位機會，單位一經選定不得更改 。
資料及圖片來源：FB@香港公營房屋討論區(FB版)、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
《社群狂歡大激賞》！送hellolulu最新系列袋款🎁！
