排公屋7年半首派天水圍「前居屋」 仲有齊廚櫃地板間隔？網民羨慕：好過買居屋

早前有大埔街坊在Facebook群組「香港公營房屋討論區」發文，稱一家人輪候公屋7年半，最近終於收到首派通知，獲派天水圍俊宏軒一個約400多呎的單位，月租約$2,500，「雖然小朋友要轉校」，但他仍感恩稱「完美畢業了」，並上傳照片跟其他網民分享屋內狀況。

從照片中見到，屋內格局參照居屋，做工與一般公屋有所不同，單位內採光良好，已間好2個房間，廁所、廚房的固定裝置／設備保養情況相當良好，有齊廚櫃地板間隔，基本上可以即刻入住，難怪連樓主也不禁表示「系（係）呀。不過我都會搞小小」。

+5

+4

點擊圖片放大

不少網友看到帖文後，紛紛表示羨慕「好正喎，居屋變公屋」、「好過買居屋」、「裝修慳好多呀」、「俊宏軒正嘢喔 羨慕」、「真係比中六合彩開心」、「居屋質素…正到爆」，並大讚天水圍俊宏軒是好地方，居屋間隔，附近有齊日常生活配套所需，而且交通也非常方便。

但亦有網友感到不解，詢問「點解派居屋既」、「居屋？」、「公屋定居屋」，其後有網民留言解答，「喺公屋嚟嘅、正到冇朋友」、「俊宏軒興建時規劃係居屋，02年停售居屋後，入伙至今一直轉左做公屋」、「以前私人承建商有份起嘅居屋」、「私人參建公屋無論單位間隔和室內裝修都畀其他公屋優勝」。

+7

+6

點擊圖片放大

事實上，俊宏軒原本為私人機構參建居屋，因此做工與一般公屋不一，由房委會聯同私人機構合作發展的一個公共屋邨，整個工程耗資達15億港元，原本為私人機構參建居屋，現已改作公共屋邨作出租用途，所以做工設計與一般公屋不一。

來源：FB@香港公營房屋討論區