網民近日在Facebook群組發布兩條影片，影片可見一位乘客電召85折的士，而到埗後司機要求按錶收費收取「正價」，引發雙方互罵。
近日有網民在Facebook群組「TAI PO大埔」發佈兩條影片，片中手機顯示乘客電召85折的士由觀塘到屯門掃管笏掃管笏路99號上源5A座，到埗後司機要求按錶收費收取「正價」，引發雙方罵戰。
影片開始時，身穿白衫牛仔褲的男乘客舉著手機對着司機拍攝，司機亦表示「呢位客人不斷講粗口，仲要call八五折的」，乘客反駁「唔好做八五折的啊嘛！」。司機表示從上車開始已告知客人到埗後會按錶收費（收取正價），但乘客不斷指罵司機並表示「咁X有型，唔好接八五的啊嘛」，期間要求取得單據否則不會付款，更說可以叫警察。
司機後來表示想不收費了事，一度說「我唔收你錢啊，走啦」「我無單畀你，唔收你錢，得未啊？」。但乘客一直倚在車門，與站在車門旁的同行女子一同用粗口辱罵司機，重複「我有錢畀啊！我而家無錢畀咩？我要畀錢啊而家！」男子一直怒罵司機，「無錢唔好X接單」「無錢唔好咁X大聲」「我而家唔係唔肯畀錢啊，你唔X收啊，我而家可以畀錢啊」等等，並表示被司機車門夾到，要叫救護車。司機最後報警。
網民紛紛留言批評乘客，指「有錢就叫司機接你啦！同人比有錢」「有錢call Uber, or 自己買架車請私人司機，使乜call的士。仲要侮辱人」，更指「呢位乘客嘅款十足收數佬」。亦有網民認為司機同樣有問題，「岩呀，又要接又要唔做」 「個客想正價洗鬼call你咩？隨手截車仲快」。
不過網民列出在電召的士時有機會因未有司機回覆，問會否用正價召車，「可能果個男人又㩒左ok，同埋有時會問你除左正價之外，仲會唔會再加錢去Call車，會快啲有司機接call。」，也有網民指司機在乘客上車時已表明按標收費，如不同意可以下車另召，認為事情可以禮貌處理。
延伸閱讀：
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
