公屋門口放洗衣機遭批「無公德心」?戶主1個舉動反擊獲網民激撐

文: 溫藹紅
2024.01.11

公屋住戶門口放洗衣機?最近有市民發現有公屋住戶,在走廊的單位門口位置擺放一部大型洗衣機,力斥行為「極無公德心」並放上網公審。惟戶主得悉事件後,反而以1個舉動反擊並作出澄清,獲大批網民激撐。

早前(7日)有網民透過社交平台發帖,指沙田瀝源邨壽全樓某個單位戶主,將一大部洗衣機擺放在公屋走廊位置,怒斥「極無公德心」、「想掉洗衣機都咁樣放,唔識自己攞去垃圾站,搵你阿媽同你收?」然而樓主都有自戴「頭盔」,指不排除是在等待回收的可能,但認為「咁早」放出門口似乎不合理。

▼戶主貼手寫字反擊▼

帖文在網上遭廣傳,戶主獲悉事件後相當淡定,並上載自己手寫的「告示」貼在洗衣機上的相片。從相中可見,戶主貼出4大張紙,內容包括「多謝提醒」、「其實星期六日,無人開工收嘢架,屋企]2個女人仔搬唔到,亦唔知搬去邊,星期一有人收啦」、「同埋唔好再多手揼(扔)垃圾入去啦姜XX先生(樓主帳戶名)」,又指有任何問題可以致電房屋署查詢。

事件引來大批網民關注,大部分人認為戶主做法並無不妥,指「大佬,你估個個屋企十萬八千呎咩,屋企邊有位放多件大型電器」、「換過洗衣機嘅人都知道,根本是回收程序的正常現象」,並力撐戶主無做錯;有網民認為樓主在不知情下,武斷以「極無公德心」批判該戶主並不合理,直言「放鬆啲啦香港人」。

▼網民咁講▼

 

資料及圖片來源:Facebook@鳩鳩沙田 (Go Go Shatin)

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓