土瓜灣泊車被屈「搶車位」?中年男子要求離開 恐嚇:保證唔到你架車無事

文: 張詩朗
2024.01.30

香港泊位少車多,導致香港車主常就爭泊車位爭吵。 近日Facebook群組流傳幾段片段,片中一名女子將車泊在土瓜灣美善同道咪錶位時,一名中年男子稱自己「明明排緊隊」並叫女事主離開。 女事主配文指附近並無空間排隊,男子車輛亦不在其停泊範圍,便繼續泊車。 男子其後恐嚇女事主「保證唔到架車無事,夠膽就泊喺度」,事件引起不少網友討論。

近日facebook群組流傳幾條影片,事件發生於22日下午4時左右。片中樓主的女性朋友將車泊在土瓜灣美善同道的咪錶位,樓主配文指當時一名中年男子向女事主走來,指她「搶咗佢個車位」,表示自己明明排緊隊,而女事主覺得自己只是泊在普通街邊咪錶位,故依舊落車入錶,並無理會男人。

她指後來男人「落車衝埋來叫我渣走我架車」,並表示如果不走「保證唔到我架車無事」,「夠膽就泊喺度」等等,直到她取出手機拍攝,男子才走回自己的車附近。片中可見男子對女子說「妳夠膽就泊喺度,妳唔好影,做埋啲低B動作」,並問女事主「有冇裝cam?」,她則回應有。另外一條影片男子則說「(你)快啲走,不係我點做嘢?」,女子則反問「做咩呀?」男子疑似在暗示會毀損女子的車輛。

女事主指男子在自己泊好車後才出現,開始拍片記錄時「佢已經無咁癲」,而發生爭執時已熄車,車cam亦已關,所以並無事件前傳。

有網民留言指「如果有錄到整個過程,已構成恐嚇,可以報警。」並指責男子的行為,有人則指「車都泊好先嚟講話搶位?咁出奇嘅」網民回應「好多人渣以為排晒成條街嘅錶位」,更有網民分享自己在街尾泊車,卻被在街頭的司機稱自己搶位

有人則質疑「雖然佢恐嚇你,但你有無排等錶位先?」並指片段「無前無後,一味影住人地鬧你」質疑中年男子是否真的在排隊在先,而女事主是否搶了別人的位子,勸喻不如本次事件「打和」。

來源:facebook群組「車cam L」

延伸閱讀:

同場加映:【衝出嚟玩】最新影片

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】滿分好評驅蚊劑!↓

↓旅遊必備!一支驅蚊+防床蝨~↓

↓旅遊必備!一支驅蚊+防床蝨~↓

↓【社群送禮】送ZAO深層倍潤護膚套裝!↓

↓為肌膚注入保濕力量↓

↓為肌膚注入保濕力量↓