北上識女仔抵過追港女?港男教3招必勝技巧!網民:畀人XXX唔好喊

文: 黃樂恩
2024.02.12

早前有港男在討論區發文,稱內地女比港女容易追,做齊3件事就可以直接向對方表白,其後又在文中直指港女「五分樣性格X」、「一係就肥X」,奉勸條件一般的港男別再浪費時間「溝港女」。帖文引發熱議,大批網民留言鬧爆樓主,「你覺得大陸女仔好都唔洗詆譭香港女仔」。

該名港男以匿名方式在Dcard上以「北上識女仔抵X過溝港女」為題發文,他開口第一句就表示內地女比港女容易追,又在文中公開3招追女生的必勝技巧,如請對方食椰子雞、送她一個價值幾千元的名牌袋以發Call車送對方返屋企,他揚言做齊以上3件事,就可以直接向對方表白,輕鬆脫單。

隨後,樓主又形容港女「五分樣性格X」、「一係就肥X」,更在文中列出內地女4大優點,激讚她們「態度好,唔爛口,仲要極度痴身,把聲又嗲」。他續指,現在有香港身份、本地大學學歷,加上平日有做Gym鍛鍊身體的男生,基本上已經可在內地找到一個不錯的女生,因此他奉勸條件一般的港男,不要再浪費時間「溝港女」。

帖文一出,即在網上引來熱議,但大部分網友不認同樓主看法,認為他在物化女性,紛紛留言鬧爆「你覺得大陸女仔好都唔洗詆譭香港女仔」、「唔好講到個個港女都係衰先」、「講到好似真理咁嘅,踩低香港人去捧高大陸人好好玩咩」、「睇得出你個人質素好極有限」。

此外,有網友則提醒樓主,「你本身個人唔掂,邊到既女仔都溝唔到架啦,窮既大陸妹貪你張身分証」、「條件係有幾差先要返大陸溝女」,並在留言中表示成功追到女生固然是好,但要帶眼識人,「畀人呃身家唔好喊」、「唔好幫人帶晒成家落黎+呃公屋」。

來源:Dcard

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓