TVB全新清談節目《Mayanne小喇叭》由新鮮出爐的「最佳女主持」麥美恩（Mayanne）和曾展望（GM）擔任助理主持，節目由今晚（14日）起逢周四、五晚10點半翡翠台播映。《Mayanne小喇叭》每集邀請不同藝人及素人擔任嘉賓，開放討論各樣大膽又破格的香港貼地話題，花生指數爆錶！
首集以「身材好是現今的流量密碼」做主題，邀來出名身材勁的堪輿學家麥玲玲、郭珮文（Juliana）和黃婧靈（波波）擔任嘉賓，並請來三位身材同樣勁爆的KOL Kamchi、雀仔和Amber齊齊訴說胸大的煩惱！身為咪神的波波透露「波波」這個名字是由網友命名，並曾經為波波這個名字不開心：「我有本名㗎嘛，點解要叫我波波呢？但用用吓呢個名又覺得幾好，疊字又易記！」
波波更大爆因驕人身材引發的風波，她說：「有一次拍劇開05，同Mayanne同一套劇，當時我笠頂帽落到去個鼻度。之後我去咗換衫，一出嚟就同個前輩打招呼，但佢冇理到我，我隔咗3秒之後岳高個頭，發現佢望緊我心口，佢話：『好彩認到你心口咋，如果唔係都唔認得你！』」而波波與麥美恩曾合作劇集《痞子殿下》，劇中前輩演員有吳岱融、曹永廉、韋家雄、煒烈、杜燕歌等資深演員。
麥美恩好奇問到底是誰，波波說：「出名㗎！」說罷波波便對Mayanne做了個口型，Mayanne心領神會笑謂：「嗰個連我都調戲呀，但都係劇情需要啫！」花生指數爆錶。之後Mayanne追問波波向獎門人曾志偉放電傳聞，波波即時激烈震動身體．做出一個驚人舉動回應，GM見狀即時嚇到擰歪面不敢直視，並說：「唔好亂咁嚟！」，場面搞笑。
同場加映：【香港周圍遊】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
