麥明詩盛勁為次場婚宴丨MMC典雅短袖婚紗清新脫俗 回禮充滿香港味道超有心思
「十優港姐」麥明詩（Louisa）與機師男友盛勁為（Keith），今年1月底公布婚訊。2人親友眾多，婚禮將分3日舉行，分別在圍村、吉列島遊艇會、五星酒店進行。今日二人次場婚禮請嚟唔少圈中人同傳媒朋友。
遊艇會現場有香港小姐冠軍寶座同后冠權杖同扮機場離境設施等畀賓客影相，切合番一對新人嘅「職業主題」。另外仲有懷舊大排檔同玩樂設施，好多打卡位！
同場加映：金像獎提名女主角│衛詩雅曾被嫌棄冇人氣失機會 零收入與陳家樂互相借錢度日
千呼萬喚一對新人終於登場，今日有兄弟團麥大力同鄭衍峰，姊妹團就由龐卓欣、馮盈盈擔任，一對新人面對大家要求錫錫都非常怕醜，但最後都有蜻蜓點水交差，同影婚照時奔放表演大相徑庭。
姊妹馮盈盈表示自己有好大功勞促成呢段姻緣：「好戥佢哋開心，見證住佢哋由《後生仔傾吓偈》擦出火花，到今日拉埋天窗，好似一部連續劇咁。有冇分撥扇？講起媒人，近人見到有報道話6號（陸浩明）係半個媒人，我對此有所保留……我都有份啦，隨時其實我更加大功勞。 我係佢哋愛情故事中一個「橋段」，當初Louisa邀請Keith（上節目）嘅時候，Keith都話幾好呀，可以搵到FYY影相打卡……但原來我只不過係一個掩飾，最終佢哋締結良緣全靠我做故事情節之一。」
提到拋花球環節，盈盈就話暫時未見到Louisa有安排，而佢都話自己冇呢個需要。姊妹團之一嘅佢表示今日自己嘅任務就係擔任MC，開幕同中段向賓客們講下Louisa同Keith嘅愛情故事。盈盈透露今晚都有歌手會表演，一對新人都會「落場」唱歌。
麥明詩嘅進場片段較早前被圈中朋友鄭衍峰率先曝光，麥明詩同老公盛勁為一同進場，而唔係由爸爸帶入場，片中見到麥明詩今日着上短袖婚紗，冇大騷身材但就非常清雅脫俗，手上拎住黃色白色配襯囓花球，都非常清新。而盛勁為就着上全套白西裝，二人雖然尋日先走完一場，但都見唔到疲態。
鄭衍峰仲分享咗佢哋嘅回禮，當中有一樽「勁甜蜜芽糖」，呼應番佢哋嘅婚禮主題，仲有一包香港製造嘅梳打餅配食，好有心思又同時係一樣好有本土特色嘅小食，收到真係大人細路都開心。
麥明詩同盛勁為昨晚於元朗盛氏圍村舉行盆菜宴，筵開逾40圍。麥明詩身穿紅色旗袍現身，貼身剪栽將優美身段呈現，二人開席時向賓客敬酒，麥明詩主動介紹在鄉公所外的巨型對聯，當中寫着「勁風吹動愛之丹」，麥明詩笑言：「真係好勁，好多謝盛勁為爸爸幫佢改咗個咁勁啲名。」麥明詩又指好開心加入圍村大家庭，主動催促老公勤力「造人」希望續後香燈。盛勁為表示佢同麥明詩都好開心，更即席獻唱一曲《每天愛你多一些》冧太太。
圖片來源：本網圖片、Instagram
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
