近年越來越多港人修讀碩士課程（Master Degree），可以擴闊人脈之餘，又可以提升競爭力，較容易爭取升職加薪的機會！最近有連登用戶發帖，稱升讀碩士的學費不便宜，但他認為最大好處就是可以移民，「（畀）廿幾萬都唔知幾時先回（到）本，唯一無價應該係移民加分」，隨後又在文中詢問其他網友「廿幾萬讀個master是否不智？」帖文在網上引起關注，網友留言兩極，有人支持樓主讀碩士，亦有人認為「無謂嘥錢」，即入內文睇睇啦！
早前有人在LIHKG討論區發文詢問網友「廿幾萬讀個master是否不智？」樓主透露，自己畢業於「三大Degree」（即香港3所最早獲准以大學命名的高等院校，分別是香港大學、香港中文大學、香港科技大學），目前從事IT行業。他在文中指出，現在讀碩士幾乎要「廿幾萬」，直言「都唔知幾時先回（到）本」，不過好處就是可以透過讀書移民，「唯一無價應該係移民加分 利申：有offer」，並在留言中表示自己有意到「加拿大或者馬來西亞，（目前）未認真研究」。
點擊圖片放大
帖文曝光後，絕大多數網友都支持樓主讀碩士，認為碩士學歷有助升職加人工，加上又可以順便移民，紛紛留言表示「做大企業想升職，有Master一定有（著數）」、「廿幾萬算咩錢，趁有時間有精力讀咗佢啦」、「讀啦，學歷通漲」、「順便移民就幾抵」。
點擊圖片放大
但亦有網友指出「以前讀Master個含金量就高，而家就無謂嘥錢啊」、「老實講個Master用處真係唔大」，形容讀碩士「唔係不智，係弱智」，紛紛勸樓主要想清楚，衡量一下自己是否有讀書的需要，「蕃薯咁嘅資質純粹諗住用學歷堆砌就作用不大」、「自己衡量下有無需要，唔好人講你就信」、「投資20萬比自己，升值潛力有幾多自己諗」。
來源：LIHKG討論區
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮🎁】大派亞洲旅遊數據卡350張！第2擊！↓
↓4日無限數據！12 個地區適用！↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
