移加港人感嘆「年輕人無未來」5大要點反映香港生活更具優勢？
移居加拿大的港人近日在網上分享移民感受，坦言移民後才真正感受到香港社會「向上流動」的機會，遠較多個城市容易。他強調，香港並非讓人必須成為有錢人，但普通人儲蓄及投資後有回報，生活起碼能保持穩定，同時擁有不時去旅行的自由。反觀加拿大在大學畢業後，稅後薪金不足2萬港元，加上生活成本高昂，直言年輕人無未來，更列出5大要點反映香港生活更優勝！
移民加拿大港人感嘆「年輕人無未來」5大要點反映香港生活更具優勢？
近日有移加港人透過Threads發文，感嘆「移民後先醒覺香港向上流真係比好多城市易好多」，並對比自己在香港與移民加拿大後的生活情況，「成日話香港後生仔冇未來，我嚟到加拿大覺得依度嘅後生先真正冇未來」，並分享5大要點認為香港生活更優勝。
1. 加拿大薪金收入及稅務高負擔
樓主指出，加國大學畢業生起薪折約2.3萬港元，但稅後只得約1.8萬港元，稅率與扣費比例高。
2. 加拿大生活費高昂儲蓄有限
加拿大生活費較高，特別是租金其中市區一房約1.2萬港元，另外保險、銀行月費等固定支出壓縮可用資金。
3. 職場晉升與工作文化差異
樓主與部份網民留言均指出，加拿大職場「係一個唔鼓勵人努力既地方」。
4. 部分城市基建與城市規劃落後
樓主亦指出，加拿大部分城市基建老舊以及發展緩慢。
5. 兩地文化差異與生活支援
樓主亦強調，香港傳統華人社會多代同堂家庭結構，能減輕年輕人負擔；反觀加拿大年輕人多獨居，自理成本較高。
網民意見兩極：講到尾都係睇自己要咩生活
帖文引來不少網民留言討論，有人認同樓主看法，「多倫多搵緊120萬港紙一年，實際一個月到手得6萬，直頭升職都冇意欲，完全唔抵
職位流動性又低，唔似香港升職咁易」；有人指出加拿大的福利制度雖好，但高昂的稅項及多重扣費令薪金大打折扣，生存壓力仍然不輕。
▼網民留言▼
反之，也有同網友批評樓主「日日踩到加拿大一文不值，又吹捧香港又賴死唔走」、「唔係攻擊你，但就係有大量你呢啲移民，拎住舊錢來移民，自貶身價做比原居地嘅低職位嘅工，霸住後生啲位，同時又買物業去托住個後生負擔唔到嘅樓市」。有人認為，「調返轉如果係基層生活，喺呢邊（加拿大）做最低工資又或者普通文職，生活質素又唔會差好多，呢邊做嘢嘅文化仲輕鬆啲」，因此「講到尾都係睇自己要咩生活」 。 大家覺得呢？
資料及圖片來源：Threads
港爸分享移民澳洲計劃 單靠一份人工養全家
近日，有港爸在連登討論區以「移民悉尼，大家覺得手上有幾多錢先至夠」為題發帖，分享其一家三口的移民澳洲計劃。樓主表示，自己與太太育有一名孩子，計劃於今年底移居澳洲，暫定租屋居住在悉尼北面地區Epping或Hornsby，每週租金預算約750澳元，並安排小朋友入讀當地公立學校。
樓主補充指，自己從事輔助醫療（Allied Health）工作，預計到埗後可找到相關職位，年薪約港幣9萬至10萬，並希望兼職「搵外快」幫補家庭收入。至於太太則為全職家庭主婦，「預左唔做野」。
樓主坦言現時仍有三大憂慮，他十分疑惑「手上大約要預幾多錢先夠膽起行？」同時他也開始考慮是否應遷往生活成本較低的地區居住，並詢問一眾網民「如果唔去悉尼，去Melbourne/其他地區點睇？」
▼即睇港爸3大憂慮▼
部分網民力撐：嚟到預咗會捱少少
帖文一出，很快在網上引起熱烈討論，網民反應兩極。部分網民力撐樓主移民悉尼，紛紛留言「full time搵100k唔難，始終悉尼經濟好過香港」、「一個家庭，唔買樓，支出係最少60萬，即平均一個月5萬左右HKD支出，對於澳洲真係普通料」。亦有網民指出，移民本身就要有心理準備「捱」一段時間，但樓主也無需過分擔心，直言「100k人工應該係唔使太慳地啱啱夠洗，一般工作階層嘅人，嚟到澳洲都係預咗會捱少少㗎啦」。
網民力勸諗清楚：根本生活唔到
但大多數網民力勸樓主要諗清楚，指澳洲稅後實際入息比想像中少，加上租屋、小朋友供書教學，直言「呢條數起成個澳洲都生活唔到」、「一份糧養三個人就唔好諗SYD啦」、「家底唔夠厚就早啲瞓啦，唔夠實力諗咁多嚟托啊」。至於搵工難度，有人表示「而家市況差，落地即搵到100k既工唔係想像中咁易」，若沒有後備資金支持，恐怕樓主的經濟壓力會更大。
▼網民點睇▼
網民建議轉地點、改變策略
有網民則提出具體建議，認為樓主不妨考慮轉換工作類型以尋找薪酬更高的職位，同時也建議太太一同出外工作，雙薪家庭可有效減輕家庭經濟壓力，「你老婆做野就easy mode，唔做野真係搞唔掂」、「100k係悉尼算唔高，你會唔會其實可以搵多啲」。此外，有網民建議樓主一家遷往生活成本較低的地區居住，例如墨爾本、阿德萊德甚至移居英國，以減輕生活開支的負擔。
▼網民建議▼
樓主回應：預留2百萬港幣作移民準備
面對網民回應，樓主進一步補充更多細節，坦言自己原本並不打算離開香港，選擇移民的最大原因是為了子女教育，「小朋友讀小學，要考慮埋學校，小朋友唔谷得，留起香港搞唔掂，所以先諗澳洲」。至於網民提議留在香港、日後再送小朋友海外升學，他明言並不考慮這方案：「留錢比佢去外國讀書，一黎學費貴，二黎讀完又要睇下入唔入到籍，倒不如而家過去，至少小朋友有passport」。
樓主表示，目前已預留2百萬港幣當作移民資金，但亦坦言「得返唔多錢可以買樓」。他估算，在悉尼最多只負擔得起一個apartment，而且還需要供樓；若選擇墨爾本，則想「搏下買唔買到Townhouse」，預算最多約 100 萬澳元左右。
至於時間點，樓主亦感到迫切：「而家唔過，澳洲樓價只會越嚟越升，到時唔止唔想走，仲未必負擔到買樓」，因此他正考慮是否轉戰到墨爾本、阿德萊德生活，「有朋友起Melbourne，想搏一搏，阿德萊德都應該搵到工不過冇熟人」。
來源：連登討論區
港生活人氣本地熱話
【招Chii友】U Community社群送Chiikawa公仔200隻！
↓【請您玩💌】LOST全新LEGO® NINJAGO®密室逃脫🏃！
↓重演《旋風忍者 龍之崛起》場景🥷🏻雙人門票玩咩密室都得😎↓
假日好去處