香港地少人多，劣質居住環境俯拾皆是。一名內地生於網上分享來港留學期間的住所，位於深水埗的60呎劏房月租$2200，由於空間有限只能在碌架床上生活，無論做功課、睇劇還是晚上睡覺都在床上進行，被網民揶揄生活環境「衰過坐監」。
該名內地生於小紅書發文，指去年8月成功申請到學生簽證來港，於專上學院修讀工商課程。由於時間匆忙未及物色住所，同時又不想與人合租共同廁所，時間緊迫之下帶着大堆行李隨經紀到處睇屋，一個不小心就住入「香港留學經典開局」單位。
睇劇瞓覺做功課全在碌架床上解決
事主目前入住深水埗一個劏房單位，面積僅60呎月租$2200。相片所見，單位放有一張碌架床，床下放有衣櫃雪櫃，近窗口位置設有煮食區，有爐頭及抽油煙機足夠簡單煮食。碌架床上則為主要起居位置，隨床舖外事主亦於行李喼上放置個人電腦，日常工作及娛樂都在此位置進行，
「放學後刷（睇）劇可以躺著，可是做作業要盤坐，一坐就是幾個小時。」
劏房環境惡劣 網民批：衰過坐監
事主居住環境引起不少網民討論；有人認為劏房空間太過狹窄，直言「坐牢的條件都比你好」。有人就認為香港雖然地小人多，但月租2200仍有不少更佳選擇。對此事主指主因是不欲與人共用廁所，加上初來港時時間緊迫未及挑選居所，未來考慮會另覓新地點。
另一邊廂，有人就指如此狹窄空間很容易累積甲醛，其中牆貼更是充滿甲醛，建議事主如打算長住最好將牆貼撕走。
翻查社交平台帳戶，可見事主在港生活甚為節儉，不但未有租住大單位，一日三餐亦多於深水埗區內解決，亦是「$18雙拼燒味飯」的常客。他又曾透露正就讀的工商管理課程每年學費要價10萬，難怪生活上「慳得就慳」。事主又認為香港就業市場人手不足，相信工商管理在港有發展空間，對前景相當有信心。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
