自與TVB完約後，前港姐亞軍王卓淇（Erin）便轉戰內地做KOL，除了會在網上開直播唱歌，更不時會在社交平台上分享娛圈事件、TVB秘聞等等。早前王卓淇就在小紅書上傳一段短片，分享自己第一次拍攝內地短劇的經歷，又在片中自爆昔日在TVB的片酬待遇，「其實TVB唔係最差㗎，平反一下先」。
王卓淇於2014年奪得港姐亞軍正式入行，曾出演過TVB劇集《全職沒女》、《那些我愛過的人》、《逆天奇案》。自2021年離巢後，王卓淇便移居到內地發展做KOL，又成為抖音平台上的歌手，翻唱了許多粵語歌曲。近日王卓淇在小紅書上以「在TVB拍劇和内地拍短劇有甚麼不同呢」為題發影片，她在片中透露，自己獲前同事何君誠邀請參演內地短劇，「之前拍港劇多，今次第一次拍現在好熱門的短視頻（即短劇）」。
王卓淇在片中將內地短劇及TVB劇集薪酬作比較，她指出TVB拍劇收入雖然不高，但仍比內地短劇高一截，「喺香港係唔高，但同內地短劇比又OK，因為呢度嘅成本係幾百蚊一集，幾百至幾千，好紅嘅演員都係幾千蚊一集，除非你係一線，先可能係一兩萬，但一般都係幾百蚊一集，而TVB都有一千至幾千一集，所以呢度仲低囉！唔係最差㗎其實TVB，平反一下先。」
點擊圖片放大
雖然收入較TVB劇集低，但王卓淇大讚內地短劇低成本﹑製作快和收益高，「原來真係較TVB港劇輕鬆，因為短視頻節奏好快，你嗰句對白錯咗可以中間接，同埋最令我驚訝係6日就拍完一套」，最後她在片中表示今次拍攝過程很好玩，希望日後再有機會嘗試，「原來喺內地拍短劇係好好玩㗎！」
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
