炎明熹淚灑舞台感激家人包容鼓勵 疑失代言MV親熱戲等開腔安撫歌迷

文: 余美鳳
2024.04.13

炎明熹(Gigi)去年首個個人演唱會,尾場因颱風關係取消,相隔半年,昨晚(12日)再度踏上Star Hall舉行《Gi-FORCE炎明熹演唱會2024》,延續她於音樂旅途上的里程碑,是次更加開兩場,合共三場,足見她的實力。Gigi獲家人及總經理曾志偉、李克勤及太太盧淑儀、劉德華、楊千嬅、陳煒、泳兒等多位前輩送贈花籃打氣,而來自世界各地包括美國、挪威、馬來西亞及澳門的Fans亦送上花籃,並於場外佈置多個大型應援打卡區,未開場已經有如大型嘉年華,氣氛熱鬧。

同場加映:中年好聲音2丨古淖文認半紅不黑浮沉15年欠運 學習謙卑求進:當年贏冠軍一定囂

ckeditor-inline-image-img

ckeditor-inline-image-img

ckeditor-inline-image-img

ckeditor-inline-image-img

舞台設計貫徹去年的太空主題,台中央設置巨型半球體投射裝置。甫開場,Gigi以銀色星際造型一口氣獻唱《真話的清高》、《焰》、《守望麥田》及《深夜告別練習》,加上佈滿整個會場的手燈海,現場猶如大型星空派對。接着,她換上紅色露膊連身裙,送上《心淡》、《世事何曾絕對》、《蜚蜚》及《記得》,盡顯唱功。接著,Gigi換上橙紅色bra-top狂曬纖腰,聯同8位舞蹈員載歌載舞,接連唱出《別找我麻煩》、《Freakin' Nigtmare》、《刀馬旦》及《Little Magic》等多首快歌。期間她再度表演翻筋斗,跳足逾10分鐘絕無冷場,興奮的Gigi還叫樂迷起身齊齊跳,為演唱會掀起高潮。「終於可以正式同大家講嘢,大家可唔可以畀啲掌聲鼓勵吓我呢?為咗個颱風,我哋隔咗半年先再見,其實我係非常之驚,勁驚大家期望極大,又驚自己令大家失望,咁就唔使再同大家見面啦。」台下即傳來一片掌聲,Gigi表示是次演唱會是「1.5」版,因為加入不同的新元素,所挑選的曲目,都是她最最最喜愛的歌曲,語畢,Gigi在台上喝水,然後直接打嗝,引來樂迷哄笑。

ckeditor-inline-image-img

ckeditor-inline-image-img

ckeditor-inline-image-img

為了令演唱會加入更多不同元素,Gigi邀請了好友林智樂(Felix)合唱《花與琴的流星》,而整晚Gigi獻唱的歌單,除了是她精心挑選,同時亦代表了自己的心聲,尤其是唱到《明天你好》時,Gigi突然哽咽,數度轉身背向樂迷落淚,直到情緒稍為穩定才說:「我小學已經聽呢首歌,我冇諗過自己會做到歌手,我想將呢首歌送畀陪喺我身邊嘅人,同逐漸分開嘅人,好似喺天上面嘅爺爺,分道揚鑣咗嘅同學、朋友。我要好多謝我嘅屋企人,接受咗我唔開心嘅情緒,仲一路鼓勵我。」她又邊抹眼淚邊說:「sorry吖大家,浪費咗大家幾秒鐘。」台下不少人大叫「加油」為Gigi打氣,更有歌迷高舉「炎明熹我地(哋)真係好鍾意你」紙牌,對偶像送上無限量支持。

ckeditor-inline-image-img

ckeditor-inline-image-img

ckeditor-inline-image-img

ckeditor-inline-image-img

ckeditor-inline-image-img

接着,Gigi請來嘉賓馮允謙(Jay Fung)現身,兩人合唱《報復式浪漫》,讓樂迷驚喜不已。Jay Fung指兩人因為《星夢傳奇》認識,大讚Gigi唱歌很好聽:「咁細個又唱歌又做戲又返學又有禮貌,屋企人真係教得好好。」他主動邀請平日罕有俾心心手勢的Gigi,與他一起派心,更即場傳授派心技巧,事後Jay Fung窩心地問候Gigi,與他一起做心心會否很尷尬,場面搞笑。最後Gigi為答謝演出,送上繡有「Jay Fung」字樣的結他帶,Jay Fung搞笑說:「我係想買結他帶好耐,不過我覺得咁都唔圓滿,你可唔可以幫我簽個名呀?」Gigi即爽快答應。

ckeditor-inline-image-img

ckeditor-inline-image-img

ckeditor-inline-image-img

完騷後,Gigi接受傳媒訪問,她表示由於最後綵排表現欠佳,令她非常擔心,最終都有些少失誤,但幸好沒有大問題發生。提到露腰造型,她說:「我都估唔到呢個造型,見到都嚇一跳,我都多謝我條腰,令我冇奇怪肉出嚟,最後綵排我有食少少飯,但發現綵排完真係冇乜力,所以今日都有照常食飯,一完騷落台頭先都有食咗一碗飯,係愛心飯。」提到今次贊助商大家樂疑似換Twins做代言人取代她,Gigi說:「其實大家樂係屬於大家嘅,我哋嚟緊之後都可能有啲合作,隨遇而安啦!(粉絲有微言?)我要安撫他們,皇帝唔急太監急,希望他們不要太激動。」提到新歌MV有跟男主角有親密鏡頭,Gigi說:「其實我有畀歌迷會長睇MV先,佢一睇完話一定死,粉絲們一定會好激動,因為我覺得要多嘗試,我又不是逼大家去接受,但我覺得順其自然。」

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【夏日密密賞☀️】體驗最「Cheeful」夏日😍↓

↓免費換領卡樂B Cheeful® 芝士味粟米條🧀!↓

↓免費換領卡樂B Cheeful® 芝士味粟米條🧀!↓

↓【夏日密密賞☀️】增添女神優雅氣質💖↓

↓免費換領Les Néréides 2024春夏系列-雛菊環形耳環!↓

↓免費換領Les Néréides 2024春夏系列-雛菊環形耳環!↓