吳麗珠近日接受好友鄧英敏YouTube網台《老友鬼鬼》訪問，談到感情生活，63歲的吳麗珠相當大方得體，除了談到昔日大家熟悉跟許冠武及陳百燊的兩段感情外，更指現時思想開放，閒時跟不同國籍的男士拍散拖，最重要開心。
同場加映：Katch The Pop 2024│MIRROR+ERROR與鄭秀妍Jessica同台表演 怕獻醜互相鞭策提升能力
吳麗珠過往單身多年，在訪問中她笑言自己人生已經達到最高境界「戒酒不戒色/識」，她笑說：「酒唔係唔飲，只是淺嚐，但係識男仔唔同，有時出去吃飯，多少要應酬，識到啱傾咪傾吓，拍下散拖。我之前試過同跟外籍人士拍拖，佢哋從事唔同行業，有一個係西門子嘅工程師，喺上海做磁浮列車，層次好唔好同。 德國人嘅性格好得意，佢哋好有紀律，例如約你八點就同你對錶，比我更準時。」吳麗珠表示還試過跟新加坡人、美籍俄羅斯人和意大利人交往，當然還有中國人：「整體嚟我覺得外國人比較浪漫，佢哋每一日都講『I miss you』、『I love you』， 一天至少五次，我覺得好難頂，好悶，可能大家嘅文化不同。」
不過提到最為人熟悉的兩段情，吳麗珠都大方提及陳百祥胞弟陳百燊和許冠武，當年與陳百燊是訓練班同學，吳麗珠說：「嗰陣我好後生，讀緊藝員訓練班，得嗰19歲，其實嗰陣我都拍緊拖，嗰個男友晚晚都我嚟接我。跟住我唔知點解陳百燊拍拖，真係傻更更，原本同我拍拖嗰個男仔梗係好嬲，我哋喺車上便傾，佢好嬲咁揸得好快，跟住仲撞埋，所以大家就攤牌講清楚。」吳麗珠與陳百燊拍拖有八年多，突然有一刻發覺對方不適合自己，鄧英敏問是否與司馬燕的話有關？吳麗珠說：「唔係，係忽然間，我知道佢好難受，我明白，我係冇第三者。」鄧英敏追問有否說話向陳百燊說？吳麗珠說：「我自己真係唔知點解，所以對唔住，可能緣份盡咗。」
過了一段時間，吳麗珠因工作關係遇上許冠武，兩人拍拖長達近12年時間，已經去到談婚論嫁階段，突然決定分手。「差唔多結婚前我走咗做地產，發覺有啲唔妥，本來仲喺拉斯維加斯搵咗個證婚人，後來我哋分開咗。我知係好傷害許媽媽，佢好錫我，但係冇辦法。」吳麗珠續說：「我發覺我喺感情方面都是傻更更，而家睇番轉頭，兩個都唔係我杯茶，再揀都唔會揀返呢一種人，當時拍拖唔覺，傻更更咁盲咗20年。」過往吳麗珠與朋友聚會時，經常發現佘詩曼媽媽的踪影，原來吳麗珠和佘詩曼媽媽是好友，經常結伴旅行，是很合得來的朋友，吳麗珠笑說：「正如佘媽媽同我講，而家搵個男朋友，唔好搞我，貪你啲老人『除』咩？我唔抗拒，我而家都同唔同對象交往，我最近見賈思樂72歲嘅家姐喺外國結婚，真係我嘅『強心針』，總之有咪食囉！」
」，
App內睇文同睇片可隨時捕捉U Fun彩蛋，
換領現金券及禮品！
【送PHYSIOGEL全新男士護膚系列】
↓ 為男士們全天候水分修復💧↓
↓【夏日密密賞☀️】小魚兒海鮮盛宴😍 ↓
↓ 烤魚二人餐 / 龍蝦二人餐 / 炭火風味烤凌波魚 / 澳洲龍蝦！↓
