不少長者愛囤積雜物，後輩難以勸阻，一名女生近日代男友發文求助，指母親有囤積習慣，使600呎屋塞滿雜物，以致滿屋蟲屍有蝨，儘管父親最近出現周轉問題，打算賣樓籌錢，惟住所情況太差難以售出，「根本冇人想要」，使其感到相當無助。有精神科醫生指出，囤物症主要有3大成因，包括因腦創傷、情緒病或強迫症等不同問題引起，擅自「清屋」容易刺激患者造成反效果。
同場加映：
管家王｜風力越吹越弱？$10換零件救幾百蚊風扇 維修達人傳授家電保養秘技
女事主近日在facebook群組發文，指男友父母居於一間約600呎自置物業，惟母親有囤積習慣，以致滿屋雜物，只剩約50呎空間活動。從照片可見，其男友家中雜物塞爆客廳，層層堆疊高至天花，裡面有單車、膠箱、環保袋、紙箱等，窗戶也幾乎完全被雜物遮擋，中間通道也只夠一個人通過，站在其中甚至難以轉身。
事主指由於男友父親出現經濟問題，急須大筆現金周轉，故打算賣樓籌錢，但單位情況惡劣實在無人問津，「但層樓而家咁樣根本冇人想要，成間屋又多雜物多蟲屍，仲要唔知係咪蚤，上親去一定比野咬。」
她續指，現時問題主要出於有囤積習慣的男友母親，但她並不覺得自己有問題，「佢拎嘢返嚟佢覺得冇影響到人就冇問題」，他們甚至曾建議離婚，「叫過佢媽同呀爸離婚都唔肯，又唔肯同個仔傾個心結。」她指男友早已因難以忍受搬走自住，時隔數年回去情況仍然無變，「佢屋企人掉幾多就執返幾個返黎🙏🏻搵執屋公司好多一入門都唔想執，佢屋企人會話乜都有用」，「唔通真係要東張先唯一辦法？有咩執屋公司可以幫到？」
事主早前也曾發帖，指男友家中有大量床蝨，她被叮咬引致皮膚敏感、痕癢，當男友搬走時，「好多搬屋公司聽到佢屋企好多蝨之後，唔做佢case（個案）。」
網民：先清理再求醫
不少網民留言給予建議，有人認為應先清理雜物，再帶家人求醫，「或許是精神科問題，囤積症」、「睇心理輔導，疏理吓個人情緒，客觀地討論賣樓嘅必要性，要佢明白無太多選擇嘅情況下需要放下。傾都唔傾掉晒佢，怕攪出人命」、「我阿媽都係咁講極都唔聽，一個唔覺意燒著野真係害死人」。有人則讚賞事主對男友一家的包容，「唔介意問題家庭，你好偉大，如果第一次去另一半屋企係咁，一定即走」、「樓主你對男友係真愛！我只想你有更好歸宿！」
3大囤物症成因
精神科專科醫生黎大森曾指出，如囤物行為持續影響與家人關係、日常生活、健康及環境衛生等，已可介定為一種病態，患者囤物可由不同原因導致，大致可分為3類，其一是腦創傷、腦結構破損，或是患有思覺失調、精神分裂，「或者患上妄想症，患者腦內會聽到聲音叫他要收起某些物品，令他覺得比生命和家人重要。」其二是因情緒病如抑鬱症引起，令患者無動力或無能力去處理家中雜物。其三則是強迫症、過度活躍症患者亦有機會有囤物行為。
接受藥物治療再慢慢說服
黎大森指出，囤物症患者一般不願聽家人勸告，如患者只是儲衣物或一般雜物等，最好由親戚、鄰居或社工悉心勸導，再由熟人帶他看醫生，
「唔好同佢對著幹，亦唔好貿貿然帶佢睇醫生，可以話屋企咁多物品，搞到腸胃同睡眠唔好，屋企冇晒位，仲影響到小朋友，先用軟性嘅方法勸導會比較安全。」
醫生會透過心理和藥物治療，紓緩其情緒病、精神分裂、妄想症、腦內分泌缺失或紊亂的症狀，待調節內分泌、緩和固執思維後，再逐步說服他們扔棄物品，不過如患者囤積的物品有害或有毒，反映情況極為緊急，則應盡快求診。
擅自「清屋」易刺激患者
對於家人擅自「清屋」，黎大森並不建議，因為患者只會繼續囤物，而且更有機會刺激他們的情緒，「嗰啲物品對屋企人冇意義，但可能對患者有意義，或佢有一個錯誤觀念，以為嗰啲物品有意義。」
精神科專科醫生黃宗顯曾表示，「囤積症」（Hoarding Disorder）屬「強迫及有關障礙」，患者以長者居多，但年青人也有機會出現。囤積症成因包括患者腦部結構和功能或有不同，亦可能因為家族遺傳或受環境因素影響，例如患者曾承受壓力或人生創傷。
黃宗顯指，醫生一般會為患者提供個人或小組形式的心理治療，例如認知行為治療，如患者出現情緒症狀，醫生會考慮處方血清素類的抗抑鬱藥物。黃宗顯指出，患者性格一般較猶豫不決、難以下決定和比較孤僻，部分患者可能有強迫症和情緒問題，當不獲家人理解，甚至在不知情情況被掉棄物品，因而遭受刺激，令家庭關係惡化，因此家人的諒解和支持十分重要。
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
