東張西望丨街坊踢爆新何太第一日就風騷求偶 18歲繼仔寸爆何伯:阿叔臨老入花叢

文: 余美鳳
2024.05.14

《東張西望》播出何伯個案續集的第二晚,雖然何伯跟新何太相識一個月就閃婚,但街市報紙檔販踢爆新何太由第一日已經「出擊」向街市入面的男士「埋手」,不斷告知大家是單親媽媽想搵個伴,令半個街市的檔販都看在眼裡。

同場加映:母親節快樂丨陳樂榣兩孩之母緊張大師學識放手 Aria複製媽媽性格 鬧女最心痛?

《東張西望》派出梁敏巧到屯門欣田街市,訪問兩位熟悉何伯的報紙檔販,兩人坦白見證住新何太的一舉一動,根本由頭到尾都是「機心女」。報紙檔的兩位檔主透露原來何伯一直都有習慣,就是每朝早買報紙然後在街市逗留幾個小時,主要找檔販傾偈打發時間,而且性格疏爽又熱情,經常請街坊食飯,每日如是。直至新何太以15日短期租約租用街市其中一個臨時檔賣海味,何伯的生活就發生巨變。「阿伯日日嚟六至八個鐘先返屋企...佢好健談,心地好好,對我哋兩個好好,成日都問大家食唔食嘢、飲唔飲嘢。」提到新何太「空降」街市,街市檔販都已經覺得不單純,著何伯要小心,「離咗婚五年,同阿伯講想搵個單身男人,第一日已經咁講,問有冇男人介紹畀佢,仲話自己有個仔18歲。佢第一日就已經問阿伯同我咩關係,畀人感覺想知係咪父女或者點。」她大爆原來新何太都有主動跟剪髮店的東主交換微信,由於男東主怕老婆鬧,所以拒絕交換電話,只交換微信,該男東主說:「我哋唔係懵,見咁多人,一睇佢講就知佢釣緊魚呀啦!」

 

 

街坊見勢色不對,力勸何伯跟當時的新何太保持距離,更阻他飲對方的湯,「佢飲湯好開心,我叫佢唔好飲啦,識人幾耐呀!我唔知佢有冇做手腳,你要飲就由得你。後來日日都有一壺畀佢,又互相買飯食,仲剝定個橙畀佢。」街坊坦言何伯若然找個伴,當然替他開心,但明眼人都看得出對方是騙子,半個街市的人都已經落力勸阻足足15日,可惜都阻止不到,見何伯視他們為子女,不想何伯為這個女人而搞到家散,希望何伯可以醒醒。

新何太回應指控時否認在老火湯加壯陽藥,何伯即時自信滿滿說:「開玩笑,冇咁嘅事,我ok嘅,啲後生都唔夠我嚟呀,假呀咩你估?」新何太聲稱從來沒有用過迷魂藥和壯陽藥,自己為人正直,光明磊落,只會維護正義。至於她一到街市就四處揚言要求偶,新何太竟然答「冇印象」,沒想到何伯記性比她還要好,何伯表示對她一見鍾情,聽到她要找男人,索性自己霸住不放手,後來新何太突然記性又返來,糾正何伯:「我係問你有冇好男人!幫我留意一個,做老公嗰啲,有好就搵啫,冇都唔緊要,單身都可以。」至於跟髮型屋東主交換微信,新何太稱只是生意上想問他的意見。至於何太是否過於急進,何伯說:「佢急啱我心水,初初唔夠膽主動追,但佢有意思就最好,我一眼就睇中咗佢!」主持人追問何太是否三度結婚,節目只剪接一句:「如果我講任何大話,我以後搵唔到錢,窮光蛋一個,好唔好?」估唔到連起誓,都同錢有關!

節目預告中,梁敏巧原來在新何太的家中訪問到她的18歲囝囝,沒想到作為「繼子」的他竟然鬧爆何伯:「我覺得阿叔呢臨老入花叢,佢咁老都仲...」隨後新何太又在鏡頭後喝止:「你唔好講呢啲嘢呢!」但囝囝後來補充一句完全支持他媽媽。

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【請您去】海洋公園水上樂園💦!

↓ 立即登記 送雙人門票↓

↓ 立即登記  送雙人門票↓

↓【夏日密密賞☀️】輕鬆擁有迷人電眼⚡↓

↓免費換領Clalen海外限定款IRIS彩色日拋隱形眼鏡!↓

↓免費換領Clalen海外限定款IRIS彩色日拋隱形眼鏡!↓