「光頭仔」王嘉明早前參加《中年好聲音2》，可惜最終60強止步未能晉級，輸比賽不過就贏得友情，跟劉威煌、譚輝智、顏米羔、梁思傑、梁浩賢、甘永傑及導演潘文龍組成「輕鬆啲」，經常都會開直播唱歌，同網友們打成一片。不過比賽過後，王嘉明身形明顯暴脹，連兄弟都睇唔過眼，建議他一定要減肥。
王嘉明完成《中年好聲音2》比賽後，他轉到珠海定居，當地好食好住，令他身形發福不少。身高本身180cm的他變成巨人一樣，連幾位兄弟都嫌他太「放棄自己」，嘉明不斷辯稱自己會乖乖減肥，不過由於工作忙加上拖延症發作，一直遲遲未開始，兄弟們為了他的健康著想，決定動用「網絡」壓力，呼籲「輕鬆啲」支持者們一直監察他的減肥過程。
嘉明在徇眾要求下，日前在直播時對網友公開現時的體重磅數，更答應兄弟的要求，兩個月內激減22磅。現時他的體重是85.6公斤，預計一個月減5公斤，兩個月完成10公斤的目標。兄弟們不斷「打擊」嘉明，他們更直播在大排檔大吃大喝，令開始戒口的嘉明大為無奈。
而日前的直播中，嘉明大膽裸半身大曬肚腩，接受減肥療程，他表示自己會循飲食、運動及「做機」療程方面著手，希望三管齊下能夠達到目標。兄弟們指若嘉明不成功的話，將要接受懲罰，起初大家提出不少「癲喪」的建議，要求嘉明食「避風塘炒腳皮」，集齊七位兄弟的腳皮，再由大廚師兄顏志恒主理，認真恐怖，後來才改口要懲罰飲一杯由兄弟調製的「加料」特飲。嘉明問如果成功是否會有獎賞，兄弟們笑言：「你都唔會成功呀啦！」實在係好感情！
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
