張致恒（Steven）和太太雯雯自從被封為「網絡乞衣」之後，一直都善用社交平台，努力放負和懇求金錢上的資助，上星期雯雯的愛犬離世，令她情況再次陷入低點。直至昨晚雯雯再次分享被業主追租的對話Cap圖，再次放負稱自己無能為力；而今日佢一家又再次得到「有心人」課金，但「絕望」嘅雯雯仍暗示要帶埋小朋友「離開」，令人憂心。
雯雯今午出限時動態透露有人幫手交租，不過冇幾耐之後又delete咗，未知原因為何，佢留言：「多謝真正關心嘅你們，交番幾千蚊，再交多兩個月，業主都要我哋走。我一個人能力有限，出面亦冇可能有人租畀我，自己知自己事。又唔係未試過全部人坐喺街冇地方瞓。」雯雯一方面話唔會「放棄」，但又話要同小朋友一齊「離開」暗示自殺：「我連狗都不會放棄更何況小朋友所以如果要瞓街不如一齊離開，唔係發悔（晦）氣，而係冇人會明白，係冇路行。成日話搵社工，社工講過冇可能即時搵到屋畀我！需要時間！我啲狗老，我係唔會放棄！真正關心嘅多謝你們！其他不是真心亦不用再多說了，我已經好累。」
雯雯一向運用社交平台得到各界的幫忙，無論早前遭Cut水、Cut電或者冇錢交租，都是上網呻窮呻冇路走，然後就有網友睇在小朋友份上，「捐」錢為他們一家度過燃眉之急，不過燃眉的情況越來越密。昨晚她分享Cap圖，疑似業主的短訊留言說：「即使你住公屋，都要交租。如果妳沒有交租都一樣要走，我以比（已畀）咗很多次寬限期妳。是妳們沒有誠信。」雯雯就被追租一事回應說：「我撐咗咁多個月，好攰，肥妹都走埋，宜家真真正正發生，我亦冇力再撐，既然個天要咁發生，唯有接受。」、「冇路行，冇出路，既然已經走不下去，帶住小朋友唯一出路就係放棄？」、「肥妹（愛犬）都走埋，其實冇嘢再輸唔起，冇嘢再放唔低，小朋友細，既然路行唔到，只有大家放棄。」
事隔十多小時後，雯雯拋下兩字：「再見」，未知是否有任何決定，不過其實早於6月15日端午節假期當日，雯雯都同樣揚言：「全部放棄。」但相隔半個月時間，似乎仍然未有任何轉變。未知是否網友反應未夠踴躍，雯雯再分享被逼遷的短訊，內容是：「區小姐，業主通知，因欠租事宜，你們須於2024年6月30日或之前搬離單位，如有疑問可跟業主聯絡。」雯雯未有交代「再見」到底有何意思，但就急於再用「情緒勒索」一招，一於賣慘，似乎想再次有網友伸出援手，她說：「終於發生！可以去邊？冇人會租，有都唔會有咁大筆數，又佣金又按金又上期，依家咁即係叫我去死？」
防止自殺求助熱線：
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
利民會： 3512 2626
「情緒通」熱線： 18111
賽馬會青少年情緒健康網上支援平台「Open噏」： http://www.openup.hk
」，
App內睇文同睇片可隨時捕捉U Fun彩蛋，
換領現金券及禮品！
↓【書展2024】勁送200張電子門票！↓
↓立即登記！攞免費門票↓
↓【夏日密密賞☀️】體驗最「Cheeful」夏日😍↓
↓免費換領卡樂B Cheeful® 芝士味粟米條🧀！↓
