玩轉腦朋友2丨姜濤激似阿尷5字爆笑回應 仲有一人似阿愁 網民提議拍真人版

文: 余美鳳
2024.06.28

迪士尼動畫《玩轉腦朋友2》(Inside Out 2)下月上映,今集加了不少新角色,當中肥頭耷耳的阿尷(Embarrassment),唔少網民都認為激似肥仔時期的MIRROR成員姜濤!今日(27日)姜濤竟然「上水」以五字回應!

《玩轉腦朋友2》加入不少新角色,主人翁韋莉的情緒阿樂、阿愁、阿驚、阿燥及阿憎繼續存在之外,韋莉的腦海亦加入不少新情緒,包括阿焦(Anxiety)、阿羨(Envy)、阿厭(Ennui)及阿尷(Embarrassment)。廣東話版阿尷由魏浚笙(Jeffrey)聲演,性格內向容易害羞,外形肥嘟嘟又高大,穿一件灰色衛衣,長期用衛衣帽笠頭。

有網民覺得阿尷外形似曾相識,並在Threads發文,搞笑指阿尷「好X似姜濤,係差個籃球」。不少網民附和道:「咁睇又真係幾似」、「不能話似,只能話一模一樣」、「成個餅印咁」。姜濤私下的衣著造型跟阿尷十分相似外,連兩者的招牌「拮眼」瀏海更似到十足十;有網友為阿尷P了黑色口罩和籃球,完全就是姜濤2.0。

姜濤昨日(27日)在IG回應事件,他先將自己的終極肥仔黑圖跟阿尷拼在一起,以及自己平日衛衣帽笠頭的照片,特地以反話留言:「一點都不像。」大玩自嘲!他又在Threads上載同一張照片,「求饒」說:「唔好再send俾我啦…」不少姜糖搞笑道:「你呢句是反問語嗎?」、「明明就係你」、「你比阿尷更似阿尷」、「你偷偷走去拍戲唔出聲?」,連隊友李駿傑(Jeremy)亦忍不住留言:「好似😂😂😂」除了姜濤,有網民亦指MIRROR經理人黃慧君(花姐)好似阿愁,尤其髮型及眼鏡都一樣,有網友搞笑指ViuTV可以拍一部真人版《玩轉腦朋友》。

 

 

圖片來源:IG、Threads

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】請您食卡樂B Potaland® 酸忌廉洋蔥味薯片!↓

↓ 濃郁開胃的酸忌廉味 + 香氣四溢的洋蔥味!↓

↓ 濃郁開胃的酸忌廉味 + 香氣四溢的洋蔥味!↓

↓【限時搶⚡】勁送小牧味屋高鈣梳打餅套裝!↓

↓ 一套6包:芥末味 / 蕃茄味 / 黑芝麻味!↓

↓ 一套6包:芥末味 / 蕃茄味 / 黑芝麻味!↓