吳若希（Jinny）一向重視家庭，除了照顧老公Alex Ho和一對仔女Giselle同Kylian外，仲有胞弟吳梓楓（Carson），Jinny知道細佬有潛質在幕前發展，所以2021年為他安排跟種星堂簽約，成為旗下模特兒。Carson現時學業和事業兩兼顧，除了好叻仔考入香港中文大學努力讀書之餘，亦不時接影相或者拍MV的工作，收入未必多，但總算可以自己零用錢自己賺！
現年20歲的Carson身材高大，而且皮膚白滑五官精緻，在IG大多數分享的照片都是曬黃金右邊面，近日他難得自拍大曬左邊面，原來他分享自己釘耳窿，他留言說：「耳釘！旺中！40蚊！好抵，但而家被人話好似TB！（女同性戀者）」雖然有家姐同姐夫照顧，不過Carson好乖識得慳家去絕平的地方釘耳窿，非常生性，而他擁有白滑肌膚竟然被誤會是中性TB，認真搞笑！
Carson比吳若希細12年，早前曾在家姐的YouTube頻道中粉墨登場；片中兩姊弟一講起家人，眼淚就收唔到掣，喊到豬頭一樣。Carson雖然年紀輕輕，不過非常乖仔，不時會代家姐照顧一對姨甥仔女，又向Giselle（吳若希大女）講故事。Carson當時直言曾擔心過家姐組織家庭後，不知道可以如何自處，「知道家姐有自己家庭，到底我之後會點樣呢？係咪代表以後我都係一個人？我只知自己要更加獨立，好驚自己做錯啲乜嘢影響到家姐嘅生活；就算將來我冇乜嘢出息，我都一定會好好做人，唔好令家姐擔心！」吳若希聽見Carson咁生性，都忍不住喊。
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
