張學友赤裸評《海關戰線》被指倒米 愛唱歌多於演戲:大家不看沒關係

文: 余美鳳
2024.07.05

7月4日正式上映嘅《海關戰線》已經有唔少人入場欣賞過,而觀眾嘅評語就好「兩極」,一就讚到飛天,一就踩到地底泥,只可以話係「家家有求」。而正係喺內地開緊《張學友60+巡迴演唱會》嘅張學友都對電影公開評價,「赤裸」到令人更加想入去睇《海關戰線》咩葫蘆賣咩藥呀!

日前有一位內地網民Post出喺學友演唱會上拍到嘅短片,學友為介紹管弦樂團成員作引子:「他們(管弦樂團成員)昨天去看我電影(《海關戰線》)了。」現場觀眾即時回應「我們也看了」,學友做咗一個敬禮動作,繼續講:「然後我問他們,好看嗎?哈哈哈哈哈哈哈……(模仿管弦樂團成員尷尬苦笑)他們回答都這樣子……我心裏有數!」呢個時候喺學友身後嘅管弦樂團成員們都笑到揞晒嘴,一切都不言而喻。

片段之後再剪接到學友講自己嘅「電影夢」,非常hyper:「唱歌是我最想做的事情,電影就算了,電影已經沒關係,我偶爾可能會拍一拍,大家不看也沒關係,可是要來看我的演唱會哦!因為大家應該可以發現,我真的非常努力的去把我的演唱會做好的!你看!」之後學友隨即做一字馬,現場尖叫聲不絕。

呢位post片嘅網民都留言笑學友「倒米」:「謝霆鋒心裏OS(畫外音) :『 烏蠅哥(學友《旺角卡門》角色),你不幫跑電影宣傳就算了。你這樣我好難受啊!』」不過都有人指學友呢個係「暗黑魔法」,令到人更加想知電影到底拍成點先會令到佢咁樣「評價」。

 

 

快將63歲嘅「歌神」學友每次演唱會都落力跳唱冇「揸流」,而且KEEP住高水準,所以開N咁多場都仲係一票難求。而雖然學友話自己對於電影冇所謂,不過其實多年來佢都拍過唔少好戲,演技更加係獲得一致嘅肯定。學友早喺1989年於電影《旺角卡門》中飾演「烏蠅」,更獲得第8屆香港電影金像獎「最佳男配角」;期後喺一啲較抒情嘅電影如《男人四十》同《月滿軒尼詩》等中嘅演出同樣扣人心弦,更憑《男人四十》獲得2002年印度國際電影節「最佳男主角」。

學友早前受訪時亦曾表示自己冇戲癮、冇想挑戰角色,亦唔恨攞獎。佢更指自己冇幾多時間,所以只想做自己鍾意又拿手嘅嘢,專注唱歌,佢提到今次吸引佢演出全因霆鋒:「我相隔8年先拍一部戲,8年後我都70歲,到時仲可以拍什麼戲?好多戲都已經拍不到,包括霆鋒嘅動作片。」

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】請您食卡樂B Potaland® 酸忌廉洋蔥味薯片!↓

↓ 濃郁開胃的酸忌廉味 + 香氣四溢的洋蔥味!↓

↓ 濃郁開胃的酸忌廉味 + 香氣四溢的洋蔥味!↓