關禮傑夫妻係圈中出名嘅愛狗之人，一家早年同時養咗六隻狗狗，雖然經歷多次離別，但依然願意再次領養將愛心延伸，非常有心！日前關禮傑太太Anna分享兩隻小狗嘅「人性」小故事，真係好可愛！
Anna分享佢其中一隻狗狗做完絕育手術之後，另一隻老友狗狗一直都好緊張，Anna post出兩隻狗狗嘅相，留言：「Kewpie（啡色貴婦狗）今日做絕育手術，佢係屋企同Luna（古代牧羊）最friend，我帶佢出去時，Luna 已經不停吠，我放低Kewpie在醫院然後返屋企，Luna 不停吠，好像在問我Kewpie 去咗邊度？當我接返Kewpie返屋企，因為唔想Kewpie傷口爆線，所以要困籠休息，Luna 就在旁陪伴，狗狗真有靈性同懂事。」
關禮傑家中養過超過16隻毛孩，品種包括古代牧羊、貴婦狗、金毛尋回犬混種唐狗等，部分更加係領養得來嘅流浪狗，一家愛心爆棚。Anna自小已經開始的不停連續養狗，尤其鍾情大狗，如古代牧羊、巨型貴婦狗等，而近10年就改為領養流浪狗。
關禮傑女兒關楓馨曾受訪分享，家中狗狗大致分成「三批」，當時父母養咗3隻西施同魔天使，之後生咗4胎，Anna不捨拆散「一家」，索性自己養；而最搞笑係關家至今都唔知邊個係狗狗「生父」，因為樣子西施同魔天使都近似，不過一家7口相處非常融洽。而第二批狗狗就包括兩隻玩具貴婦狗、一隻西高地白㹴及貴婦狗，關楓馨指有次媽媽得知有隻古代牧羊狗可領養，二話不說就接佢返屋企，佢指媽媽喜歡古代牧羊狗毛長長蓋住眼睛，傻更更性格單純又乖，非常得意。其後一家再領養多兩隻古代牧羊、一隻巨型貴婦狗及金毛尋回犬混種唐狗，加上第二批留下來的貴婦狗，總共6隻。
狗狗生命好多時都比人短暫，養寵物要面對佢哋離開都係無可避免，而關楓馨指每一次經歷毛孩離世都唔會比上一次容易，每次都好傷心；不過佢哋一家仍然願意付出愛心去領養狗狗，真係好值得學習！
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
