香港市道不景氣，很多打工仔積極搵工，另謀新出路！早前討論區上，有港男發文表示自己想轉行做全職送外賣，並在文中詢問各大網友，「Keeta送外賣一個月搵唔搵到$2萬，如全職做得唔得」？帖文引發熱議，惟網友意見兩極，有人認為是「浪費時間」，亦有網友大讚外賣送遞員好好搵，如果勤力一點，每月收入可高達$4萬？
港男計劃轉行做全職外賣員
該名港男於「香港討論區」發文，表示自己正打算轉行做全職送外賣，但由於不太熟悉這個行業，於是發文詢問各大網友有關外賣送遞員的工作內容、每月收入詳情。
▼按圖看完整事件▼
網友意見兩極：人工高且時間自由 VS 40歲以下唔建議
帖文很快在網上引起討論，網友意見兩極，有網友大讚外賣送遞員人工高，毋須學歷，而且工作時間非常彈性，如果勤力一點，每月收入可高達$3萬至$4萬，甚至有網友揚言「仲晒時間晒青春讀咁多書做咩，早D出黎送外賣仲好」。
▼網民大讚外賣送遞員好好做▼
另一方面，有不少網友都不建議樓主全職做外賣送遞員，直言40歲以下人士入行簡直是浪費時間，「求其搵份萬零蚊好過」、「做（保安）坐係大堂冥想都有兩雞」。亦有網民指出，外賣員入行門檻低、市場競爭大，加上缺乏基本員工福利（如勞工假、有薪年假、MPF等），力勸樓主投身外賣業前要想清楚。
▼按圖看網民留言▼
來源：香港討論區
瘋狂老闆準確預知員工幾時「射波」？
返工「射波」聽得多，但最近有打工仔疑似是「射波」次數太頻密，就連公司老細都進化到可以準確預測佢會幾時「射波」！早前LIHKG討論區上，一名打工仔以「老細最近進化到可以預測我邊日射波」為題上載貼文，他提到自己其實只是想「返份hea工」，每月額外有3至4日偷懶「射波」休息一下，卻沒想到老細卻掌握到他的請假套路，不但預測自己甚麼時候會「射波」，而且還會在他「射波」前一天預先交代好翌日的工作，令他不禁慨嘆道「有冇咩方法避免佢夾硬塞錢入我袋」？
▼按圖看完整事件▼
網民紛紛提出「射波」建議：要先下手為強？
帖文引發熱議，網民集思廣益提出建議，甚至有人建議樓主要先下手為強，預判老闆會交代甚麼工作、提前完成工作，「殺佢一個措手不及」。
亦有網民表示樓主簡直是「人生勝利者」，並推測他本身人工相當高，「射4日波就幾千蚊，你人工都唔低」。但也有部分網友留言力勸樓主要檢點，始終長期「射波」並不是一個員工應有的表現，而且樓主過分到就連裝病看醫生都懶，紛紛表示「唔炒你已經好好」。
▼按圖看網民留言▼
相關帖文：
打工仔獲兩份新工Offer猶豫不決：36K政府工 VS 50K老本行
除了返工「射波」，相信一眾打工仔亦有轉工煩惱，到底轉工揀高薪好定穩定好呢？早前有打工仔在討論區以「50K半公營機構 VS 36K政府工」為題發文，稱自己只是一個90後的打工仔，目前住在港島東區。最近他面臨職場交叉點，同時獲得兩份工作的聘用，工作地點都是在新界，「所以兩份工嘅location當打和啦」，其中一份工作是做回「老本行」IT業，屬半公營機構，月薪連花紅可達70萬，而另一份則是月入36K的政府工，其工作內容、薪水福利如下：
兩份工作各有優缺點？
樓主認為兩份工作各有優點，現時主要考慮因素是工作的穩定性以及長遠發展，雖然政府工的起薪點較半公營機構差，而且沒有花紅、配偶/子女醫療福利，但勝在「每年跳Point +2K」，有著不錯的薪金和穩定工作環境。但樓主亦指出，眼見政府年年財赤，近年又有大灣區高速融合、外資撤走等因素，令他不禁擔憂心做政府工的前景，「真係好難諗… 減咁多人工入政府值唔值得」、「長遠政府重唔支持到高薪養廉」、「同埋2047年我先50出頭，正式回歸中國後公務員嘅薪酬待遇又會否不同？」
網友1句話秒殺：一定揀呢份...
帖文一出，即在網上引起網民熱烈討論，反應相當兩極，有人認為「（半公營機構）有咁好offer仲要考慮？」但亦有網民指出，IT業近年經常傳出大規模裁員的消息，紛紛留言表示，「40，50歲仲有飯開最重要」、「今時今日一定政府工行先，唔駛問」。
相關帖文：
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
